“Хөгжмийн боловсрол-Хүүхдийн хөгжилд” сэдэвт сургалт болж байна | News.MN - Мэдээллийн эх сурвалж

“Хөгжмийн боловсрол-Хүүхдийн хөгжилд” сэдэвт сургалт болж байна

Хуучирсан мэдээ: 2017.06.28-нд нийтлэгдсэн

“Хөгжмийн боловсрол-Хүүхдийн хөгжилд” сэдэвт сургалт болж байна

Монгол Улс НҮБ-ын Боловсрол, шинжлэх ухааны соёлын байгууллага ЮНЕСКО-д элссэний 50 жилийн ойг тохиолдуулан Зүүн Азийн хүүхдийн урлагийн наадмыг энэ оны наймдугаар сарын 21-26-нд Улаанбаатар хотод зохион байгуулна.

21-р зуунд урлагийн боловсрол нь улс орны эдийн засгийн хөгжлийн түлхүүр хүчин зүйл бөгөөд нийгмийн харилцааг тогтворжуулан сайжруулах арга зам гэдгийг 2006 онд ЮНЕСКО-гоос зохион байгуулсан Дэлхийн Урлагийн Боловсролын Анхдугаар Чуулганаар хүлээн зөвшөөрсөн байдаг.

Засгийн газрын хэрэгжүүлэгч агентлаг Соёл, урлагийн газраас БСШУСЯ –тай хамтран “Хөгжмийн боловсрол-Хүүхдийн хөгжилд” сэдэвт багш нарт зориулсан сургалтыг 2017 оны 06 дугаар сарын 28-29-ний өдрүүдэд Хөгжим бүжгийн коллежийн концертын танхимд зохион байгуулж байна.  

Өнөөдөр буюу 2017 оны 06 дугаар сарын 28-ны өдөр Хөгжим бүжгийн коллежийн концертын танхимд уг сургалтын нээлтийн арга хэмжээ боллоо.

Нээлтийн арга хэмжээнд Засгийн газрын хэрэгжүүлэгч агентлаг Соёл урлагийн газрын дарга Г.Эрдэнэбат, БСШУСЯ-ны Соёл урлагийн бодлогын газрын дарга Н.Болд, МУГЖ Зууны манлай дуучин Б.Сарантуяа, ЗГХА Соёл урлагийн газрын Урлаг уран бүтээлийн хэлтсийн дарга Н.Мөнхзул нар оролцов.

ЗГХА Соёл урлагийн газрын дарга Г.Эрдэнэбат арга хэмжээг нээж хэлсэн үгэндээ: “Хүүхэд өөрийгөө илэрхийлэх, орчин нөхцөлөө зөвөөр үнэлж дүгнэх, хүний хөгжлийн нийтлэг чадавхийг эзэмшихэд урлагийн боловсрол чухал үүрэг гүйцэтгэдэг бөгөөд тэр дундаа хөгжмийн боловсролыг олгож буй тогтолцоо, багшийн ур чадвар нь хүүхэд, өсвөр үеийнхний хөгжилд ихээхэн нөлөө үзүүлдэг. Энэ удаагийн сургалтад зөвхөн нийслэлийн багш нар бус аль болох хөдөө орон нутгийн хөгжмийн багш нарыг өргөнөөр хамруулахыг зорьсон. Дуу хөгжмийн багш нарын мэргэжлийг дээшлүүлэх, бэлтгэх тал дээр бодлогын төвшинд анхаарах учиртай” гэсэн юм.

Уг сургалт нь хүүхэд, өсвөр үеийнхний оюуны хэрэгцээ, хөгжлийг дэмжсэн хөтөлбөр, дугуйлан секц удирдан явуулах багшийг дэмжих, чадавхийг нэмэгдүүлэх, хөгжмийн боловсролын үйл ажиллагааг өргөжүүлэх зорилготой бөгөөд сургалтыг АНУ-ын Хөгжмийн боловсролын мэргэжилтэн, доктор Жон Вайтнер /АНУ-ын Өмнөд Калифорни мужийн их сургуулийн Хөгжмийн боловсролын дэд профессор/ удирдан явуулж байгаа юм.

Сургалт лекц, дадлага ажил, танилцах аялал гэсэн хөтөлбөртэйгөөр үнэ төлбөргүй зохион байгуулагдаж байгаа ба Нийслэл, Ховд, Дархан, Сэлэнгэ, Дорноговь, Дундговь, Өмнөговь, Өвөрхангай, Дорнод, Завхан, Говьсүмбэр, Төв, Хэнтий, Сүхбаатар зэрэг аймгуудыг Ерөнхий боловсролын сургууль, Соёлын төвийн дуу, хөгжмийн багш нар зэрэг нийт 90 хүн хамрагдаж байна.

Өнөөдрийн сургалтаар /2016.06.28/

  • Урлагийн салбарт хэрэгжүүлж буй хөгжмийн боловсролыг дэмжих төсөл, хөтөлбөрийн талаар мэдээлэл- ЗГХА Соёл урлагийн газрын мэргэжилтэн З.Соёлмаа
  • Монголын хөгжмийн боловсролын өнөөгийн байдал мэдээлэл- БМДИ арга зүйч С.Батболд
  • АНУ-ын Хөгжмийн боловсролын танилцуулга “Урлагийг бүх нийтэд” Лекц- Жон Вайтнер АНУ-ын Хөгжмийн боловсролын мэргэжилтэн, доктор /АНУ-ын Өмнөд Калифорни мужийн их сургуулийн Хөгжмийн боловсролын дэд профессор/
  • АНУ-д хөгжмийн багш хэрхэн бэлтгэгддэг вэ? Лекц, үзүүлэн, ярилцлага- Жон Вайтнер
  • АНУ-ын Бага, дунд, ахлах сургуулийн хөгжмийн боловсролын талаар лекц, үзүүлэн, ярилцлага- Жон Вайтнер
  • АНУ-ын хөгжийн багшийн сургалт лекц- Жон Вайтнер
  • Хүүхдийн найрал дуу, цөөхүүлийг удирдах арга зүй лекц- Жон Вайтнер

Маргаашийн сургалтаар /2016.06.29/

  • Урлагийн байгууллагатай танилцах аялал- Улсын филармони, Дуурь бүжгийн эрдмийн театр, Үндэсний урлагийн их театрын уран бүтээлийн бэлтгэл сургуулилттай танилцах
  • Холимог хөгжмийн зэмсгийн анхан шатны анги-Анхан шатны хөгжмийн хамтлагийн үзүүлэх сургуулилт- дадлага
  • Асуулт хариулт- хэлэлцүүлэг
  • Хаалтын ажиллагаа- сертификат гардуулах

Сургалтын хүрэх үр дүн:

  • Хүүхдийн хөгжлийг дэмжсэн хөгжмийн сургалт, хөтөлбөрийг явуулах АНУ-ын туршлагыг судлах
  • Дуулах, хөгжимдөх зэрэг хүүхдийн хамтлаг цөөхүүлийг удирдах, заах арга зүйд суралцах
  • Хичээлийн дараах албан бус боловсролоор хүүхдийн сурах идэвх санаачилгыг нэмэгдүүлэх, хүүхдэд багаар ажиллах дадлагыг эзэмшүүлэх талаар туршлага солилцох
  • Хөгжмийн сургалтын цаашдын хөгжилд, соёл, урлаг, боловсролын салбар хоорондын уялдаа хамтын ажиллагааг эрчимжүүлэх
"Болор дуран"-аар шалгав.

1 Сэтгэгдэл

News.mn сайтад сэтгэгдэл оруулахад анхаарах зүйлс

ЗОЧИН 2017-06-28 183.81.169.59

ХБК СУИС- ИЙН ХӨГЖИМ БҮЖГИЙН АНГИЙГ АВААД КОНСЕРВАТОРИ БОЛЧИХВОЛ НААД ЯРИАД БАЙГАА ЗҮЙЛ ЧИНЬ ХЭРЭГЖИНЭ ТЭДНИЙГ ЯАРАЛТАЙ ШИЛЖҮҮЛЖ АВ ЖИЖИГХЭН МОНГОЛД ТӨРИЙН ӨМЧИЙН ИЖИЛ 2 СУРГУУЛЬ ӨРСӨЛДӨХ ХЭРЭГГҮЙ