Чөлөөт бүсийн ажлын алба өчигдөр хөрөнгө оруулагчидтай уулзалт зохион байгуулсан юм. Уулзалтаар чөлөөт бүсүүдийн захирагч нар өнгөрсөн онд хийсэн ажлын тайлангаа танилцуулж, энэ онд хийх ажлын төлөвлөгөөгөө хөрөнгө оруулагчдад танилцуулжээ. “Алтанбулаг” худалдааны бүсэд төрөөс хийх ёстой ажлууд ерөнхийдөө гүйцсэн байгаа гэнэ. Харин хөрөнгө оруулагчид буюу тэнд үйл ажиллагаа эрхлэх аж ахуйн нэгжүүдийн хийх ажил үлджээ. Юутай ч энэ удаагийн уулзалтаар Чөлөөт бүсийн ажлын алба болон тус чөлөөт бүсэд хөрөнгө оруулагчдын зөвлөл ирэх долдугаар сараас худалдаа хийж эхлэхэд тохиролцсон байна.

Харин тус бүсэд үйл ажиллагаагаа явуулах хувийн хэвшлийнхэнд хоёр том асуудал байгааг төр засгийн зүгээс шийдвэрлэж өгөхийг “Алтанбулаг” худалдааны чөлөөт бүсийн хөрөнгө оруулагчдын зөвлөл хүсчээ. Энэ нь Монголын гаалийн горимын журам журам хүнд сурталтай байгааг арилгаж өгөх болон ОХУ-ын зүгээс чөлөөт бүс рүү ороход гаалийн асуудлыг төр засгийн хэмжээнд ярилцаж шийдвэрлэх өгөх тухай ажээ.

Тэгвэл “Замын-Үүд” чөлөөт бүсэд дэд бүтцийн бүтээн байгуулалтын ажил хийгдэж байгаа тул газар хуваарилах боломжгүй байгаа юм. Харин тус бүсийн хөрөнгө оруулагчид газар хуваарилах ажлыг түргэвчилж өгөхийг хүссэн байна.