Монголын Улсын Ерөнхийлөгчийн сонгуулийг МАН-аас нэр дэвшигч М.Энхболд, МАХН-аас нэр дэвшигч С.Ганбаатар нар гэргий нараараа чимсээр өндөрлүүлсэн бол Ардчилсан намаас нэр дэвшигч Х.Баттулга охиноороо гоёлоо. Хэн, хэн нь ямар ч цаг үед хувиршгүй бат түшиг нь байх, ар талтай болохоо ийн харуулав.  

МАН-ын дарга, УИХ-ын дарга М.Энхболдын хувьд хань Ж.Туяацэцэгтэйгээ гэр бүл болсноос хойш 30 гаруй жилийг үдэж байна. 

Хүү, охин хоёр нь эрийн цээнд хүрч гал голомтоо бадрааснаар эцэг, эх хоёрыгоо өвөө, эмээ болгоод байна.

С.Ганбаатарын хувьд Б.Тунгалагтай гэр бүл болсноос хойш 10 гаруй жил болж буй. Гурван охинтой.

Х.Баттулгын хувьд 8-35 насны найман хүүхэдтэй. Сонгуулийн энэ өдрүүдэд аавдаа хамгийн их түшиг тулгаар болсон нь Б.Намуун байлаа.

Г.ХОРОЛ