Сонгуулийн ерөнхий хороо /СЕХ/-ноос 17:00 цагийн байдлаар сонгуулийн ирц улсын хэмжээнд хэдэн хувьтай явааг нэгтгэн мэдээлэл хийлээ. Сонгогчийн нэрсийн жагсаалтад бүртгэгдсэн, сонгуулийн насны нийт 1.978.928 иргэнээс 421.464 нь 12.00 цагийн орчимд саналаа өгч, сонгогчдын ирц улсын хэмжээнд 21.3 хувьтай байсан юм. Харин ирцийн хоёр дахь мэдээллээр буюу 17.00 цагийн үед 45.57 хувьтай явна.
Тодруулбал, 2013 оны сонгуулиар саналаа өгсөн иргэдийн ирц цагт найм орчим хувь байсан бол одоо цагт дөрөв гаруй хувьтай яваа аж. Энэ нь сонгогчдын идэвх, ирц өнгөрсөн Ерөнхийлөгчийн сонгуультай харьцуулахад тааруу байгаа юм.
2013 оны Ерөнхийлөгчийн сонгуулиар ирцийн мэдээлэл 15.00 цагийн байдлаар 43.7 хувьтай байсан юм. Гэтэл энэ удаагийн сонгуулиар хоёр цагийн дараа буюу 17.00 цагийн байдлаар 47.57 хувьтай явна.
АЙМАГТ /Сонгогчдын ирц хувь, тоогоор/
Архангай – 47.88%, 28574
Баян-Өлгий – 42.54%, 24938
Баянхонгор – 57.86%, 31468
Булган – 46.89%, 18752
Говь-Алтай – 53.53%, 19260
Говьсүмбэр – 46.90%, 4970
Дорноговь – 46.05%, 19784
Дорнод – 36.96%, 18566
Дундговь – 47.49%, 13903
Завхан – 52.35%, 23700
Өвөрхангай – 47.44%, 34521
Өмнөговь – 47.51%, 19862
Сүхбаатар – 55.39%, 21722
Сэлэнгэ – 45.10%, 31544
Төв – 47.67%, 29147
Увс – 50.22%, 24794
Ховд – 52.11%, 26754
Хөвсгөл – 46.34%, 38416
Хэнтий – 48.41%, 22906
Дархан -Уул- 38.96%, 25319
Орхон – 37.36%, 24979
Аймгийн нийт дүн – 46.89%, 503879
Нийслэлд /Сонгогчдын ирц хувь, тоогоор/
Хан-Уул – 50.38%, 53599
Баянзүрх – 43.10%, 93910
Сүхбаатар – 44.25%, 40350
Чингэлтэй – 45.13%, 43584
Баянгол – 45.15%, 61935
Сонгинохайрхан – 43.36%, 87152
Багануур – 38.95%, 7428
Багахангай – 47.17%, 1318
Налайх – 37.86%, 8969
Нийслэлийн дүн – 44.00%, 398245
УЛСЫН НИЙТ ДҮН – 45.57%, 902124
Ирцийн эхний мэдээллийн үеэр 13.00 цагт Хан-Уул дүүрэгт дөрвөн хэсэгт цахилгаан тасарсан асуудал гарсныг СЕХ-ноос мэдээлсэн. Гэхдээ асуудлыг богино хугацаанд шийдэж, цахилгаан эх үүсгүүрээр ажиллуулж эхэлсэн гэсэн юм. Дөрвөн цагийн дараа санал авах хэсгийн байранд цахилгаантай холбоотой асуудал гараагүй гэв. Мөн автоматжуулсан систем хэвийн ажиллаж буйг СЕХ-ноос онцоллоо.
