Монгол Улсын тав дахь Ерөнхийлөгчийг сонгох сонгуулийн санал хураалт өнөөдөр 07.00 цагт эхэллээ. Уламжлал ёсоор Монгол Улсын Ерөнхийлөгч Ц.Элбэгдорж морин цагт Орос III сургуульд байрлах санал авах хэсгийн хороонд очиж саналаа өгөх юм. Ерөнхий сайд Ж.Эрдэнэбат ч 11.40 цагт буюу морин цагт “’Шинэ Монгол” дунд сургуулийн урд Номноо хотхонд байрлах сонгуулийн хэсгийн хороонд саналаа өгөх аж.
Харин УИХ-ын дарга, МАН-аас Ерөнхийлөгчийн сонгуульд нэр дэвшигч М.Энхболд Чингэлтэй дүүргийн 23-р дунд сургуульд байрлах хэсгийн хороонд 9.30 цагт саналаа өгсөн юм. Тэгвэл Ардчилсан намаас Ерөнхийлөгчид нэр дэвшигч Х.Баттулга 11.30 цагт 48 дугаар сургуулийн сонгуулийн хэсгийн байранд саналаа өгөх байсан ч тодорхойгүй хугацаагаар хойшиллоо. МАХН-аас нэр дэвшигч С.Ганбаатар БЗД-ийн 84-р сургууль дээр 12:30 цагт тус тус саналаа өгөх юм.
Ш.ЧИМЭГ