Хос тэжээлт автомашин, шингэрүүлсэн хийгээр ажилладаг  авто машинд ногдуулсан Онцгой албан татвар (ОАТ)–ын хугацааг хойшлуулж, тавдугаар сарын 1-ээс зургадугаар сарын 14-ний хооронд импортоор орж ирсэн авто машины ОАТ-ыг буцаан олгохоор болсон. Авто машинд ногдуулсан ОАТ-ын буцаан олголтыг Сангийн яамны Төрийн сангийн газраас олгож эхэлжээ

Мөн Гаалийн ерөнхий газар, Улаанбаатар хот дахь Гаалийн газар, Замын-Үүдийн Гаалийн газар амралтын энэ өдрүүдэд ажиллаж байна. Тодруулбал, өнөөдөр үргэлжлүүлэн ажиллаж байгаа юм. 

Гаалийн мэдүүлгээр бүрдүүлэлт хийгдсэн 668 мэдүүлэгт 1 тэрбум 193.5 сая төгрөгийн татварыг буцаан олгох юм. Та ОАТ буцаан авах бол дараах баримтыг бүрдүүлээрэй.

• Импортоор оруулж ирсэн автомашинаа худалдан борлуулаагүй, эсхүл тухайн машины өмчлөх эрхийг бусдад шилжүүлээгүй бол

• Импортоор оруулж ирсэн автомашиныг худалдаж авсан, эсхүл тухайн авто машиныг өмчлөх эрх тухайн иргэн, хуулийн этгээдэд бүрэн шилжсэн болох нь холбогдох баримтаар нотлогдсон байх

• Автотээврийн үндэсний төвөөс ирүүлсэн мэдээллээр нотлогдсон тохиолдолд авто машин өмчлөгчид ОАТ-ыг буцаан олгоно

• Мэдүүлэгч импортоор оруулж ирсэн авто машинаа худалдан борлуулахдаа ОАТ-ын дүнг нэмж тооцоогүй нь худалдан авсан этгээдийн гаргасан өргөдлөөр нотлогдсон бол мэдүүлэгчид олгоно

Зургадугаар сарын.20-ны өдрөөр Сангийн яаманд 190 автомашины өргөдлийг Гаалийн ерөнхий газраас шилжүүлжээ.

Үлдсэн өргөдлүүдийг хянах ажил үргэлжилж байгааг Гаалийн ерөнхий газраас мэдэгдэж байна.

Г.ХОРОЛ