Хоол үйлдвэрлэл үйлчилгээ эрхлэх аж ахуйн нэгжийг сонгон шалгаруулна | News.MN

Хоол үйлдвэрлэл үйлчилгээ эрхлэх аж ахуйн нэгжийг сонгон шалгаруулна

Хуучирсан мэдээ: 2017.06.23-нд нийтлэгдсэн

Хоол үйлдвэрлэл үйлчилгээ эрхлэх аж ахуйн нэгжийг сонгон шалгаруулна

Нээлтэн дээр дуучин Lady Gaga ирэх эсэхийг Улаанбаатар хотод удахгүй болох хэвлэлийн бага хурлаараа дэлгэрэнгүй мэдээлэл өгч, мөн загварын салбарынхантай цуврал уулзалтууд зохион байгуулах юм байна.

Монгол улсын нийслэл Улаанбаатар хотыг “Зүүн хойд Азийн бизнес, аялал жуулчлал, соёл, санхүүгийн төв” болгох зорилтын хүрээнд жуулчдад зориулсан таатай, аюулгүй орчин нөхцөл бий болгох зорилгоор Сүхбаатар дүүргийн 3, 4 дүгээр хорооны нутаг дэвсгэр, Сөүлийн гудамжинд хэрэгжиж буй “Шөнийн гудамж” төслийн хүрээнд асраар үйлчилгээ эрхлэх-4, зориулалтын бусад түр байгууламжаар хоол үйлдвэрлэл үйлчилгээ эрхлэх-4 аж ахуйн нэгжийг сонгон шалгаруулна.

Тавигдах шаардлага:

  1. Согтууруулах ундаагаар үйлчлэх тусгай зөвшөөрөлтэй байх;
  2. Стандартын шаардлага хангасан үйлчилгээний зориулалтын ажлын байртай байх;
  3. Дүүргийн Засаг даргын Тамгын газартай “Худалдаа, үйлчилгээ эрхлэх гэрээ” байгуулсан байх;
  4. Мэргэжлийн хяналтын байгууллагын мэдээллийн санд бүртгүүлж, “Хоолны газрын ангилал, зэрэглэл, үндсэн шаардлага MNS4946:2005” стандартын шаардлагыг 90-ээс дээш хувь хангасан байх;
  5. Мэргэжлийн тогооч, ажиллагсадтай байх;
  6. Хүнсний түүхий эд, бүтээгдэхүүний чанар, аюулгүй байдлыг мэргэжлийн хяналтын лабораториор тогтмол баталгаажуулдаг байх;
  7. Үйлчилгээ эрхлэх асар болон бусад түр байгууламжийн дизайны болон тохижилтын шийдлийг төсөвлөсөн байх /гудамжны өнгө төрхөд нийцсэн загварын шийдэлтэй, гэрлэн чимэглэлтэй байх/; асрын хэмжээ 3*3 байх;
  8. Хоолны үйлчилгээнд шаардагдах Монгол улсын MNS 5083:2001 стандартын шаардлага хангасан шингэрүүлсэн нефтийн хийг ашиглахдаа аюулгүй ажиллагааг ханган зориулалтын зөөлөн холбоосоор холбох
  9. Шаардлага хангасан галын хор, гал унтраагуурыг бэлтгэсэн байх.

Бүрдүүлэх баримт бичиг:

  1. Хүсэлт /албан бичиг/;
  2. Үйлчилгээний байрны үл хөдлөх хөрөнгийн гэрчилгээ /хуулбар/;
  3. Согтууруулах ундаагаар үйлчлэх тусгай зөвшөөрөл /хуулбар/;
  4. Дүүргийн Засаг даргын Тамгын газартай байгуулсан “Худалдаа, үйлчилгээ эрхлэх гэрээ” /хуулбар/;
  5. Мэргэжлийн хяналтын байгууллагын мэдээллийн санд бүртгүүлсэн тодорхойлолт;
  6. Мэргэжлийн тогоочийн үнэмлэх /хуулбар/;
  7. Үйлчилгээнд гаргах хоолны цэс, технологийн карт, хоол, зууш, ундааны танилцуулга, өнгөт зураг;

Эдгээр шаардлагыг хангасан аж ахуйн нэгж холбогдох баримт бичгийг бүрдүүлж 2017 оны 06 дугаар сарын 28-ны дотор Улаанбаатар хотын Захирагчийн ажлын албанд ирүүлнэ үү гэж Улаанбаатар хотын захирагчийн ажлын албанаас мэдээллээ.

Асраар болон явуулын цэгээр хоол үйлдвэрлэл үйлчилгээ эрхлэх загвар:

"Болор дуран"-аар шалгав.

1 Сэтгэгдэл

News.mn сайтад сэтгэгдэл оруулахад анхаарах зүйлс

Зочин 2017-06-23 202.9.43.208

Архины мухлаг юм байна

NewsMN Гар утасны хувилбар Татах
NEWS.mn

Мэдээллийн эх сурвалж