Францын тэргүүн хатагтай, 64 настай Брижит Макроны хувцаслалт сэтгүүлчдийн анхаарлыг татсаар байна. Өмнө нь тэр НАТО-гийн дээд хэмжээний уулзалт дээр богино даашинзтай байсан бол энэ удаад жинсэн богино юбка өмссөн байсан нь олон нийтийн шүүмжлэлийг дагуулав. 

Тэрбээр Францын парламентын сонгуулийн саналаа нөхөртэйгөө хамт Ле-Туке хотод өгсөн билээ. Энэ үеэр Брижит Макрон албан ёсны арга хэмжээ дууссаны дараа энгийн цагаан цамц, богино юбка өмсөж, дугуйн аялалд гарчээ. 

Энэ нь хотын иргэдийн дургүйцлийг хүргэсэн байна. Учир нь түүний дотуур хувцасны өнгө нь харагдаж байсан гэж иргэд шүүмжилжээ.

Гэхдээ загварын ихэнх шүүмжлэгчид “Брижит тэргүүн хатагтай ямар харагдах ёстой вэ” гэдэг төсөөлөл, ойлголтыг өөрчилж чадсан гэж үздэг ажээ. 

Бэлтгэсэн: Ц.Уран