‘Оросын зах зээлд худалдаалж байгаа Хятадын чанаргүй гэгдэх бүтээгдэхүүний ихэнхийг хүүхдийн тоглоом эзэлж байна’ гэж Оросын хэрэглээний хяналтын ‘Роспотребнадзор’ албанаас мэдээлэв.

‘2016-2017 онд тус алба 1000 гаруй хятад бүтээгдэхүүнээс хэрэглээний шаардлага хангахгүй байгаа хэд хэдэн зөрчил илрүүлсэн. Бараа бүтээгдэхүүний зөрчлийн хамгийн их буюу 52 хувийг хүүхдийн тоглоом эзэлж байна” гэж Роспотребнадзор онцолжээ.

Чанаргүй бүтээгдэхүүний 27 хувь нь хөнгөн аж үйлдвэрийн бүтээгдэхүүн, 16 орчим хувь нь хүүхэд, өсвөрийн үеийнхэнд зориулсан бүтээгдэхүүн, 5 орчим хувь нь хүнсний бараа байжээ.

Хүүхдийн бараа бүтээгдэхүүнд төрөл, ангилал байхгүй, тоглоомууд нь хэт чанга дуутай, фенал бодис ихтэй гэж тэд үзсэн байна.

‘Хүнсний бүтээгдэхүүнийг шалгах явцад хятадад үйлдвэрлэсэн бүтээгдэхүүнээс хүнсний биологийн нэмэгдэл бүтээгдэхүүн дэх хортой бодис, жимс ногооноос  нитрат болон химийн бодис, загаснаас глазурийн гэх гэх бодис зохист хэмжээнээс дунджаар 4,7 хувиар илүү байсныг тогтоон  илрүүлжээ. Зөрчилтэй бүх барааг худалдаанаас гаргасан ба хяналт, шалгалтыг үргэлжлүүлж байна. 

Бэлтгэсэн Ш.МЯГМАР