Баянгол дүүрэгт ахмад настны 60 ортой эмнэлгийг ашиглалтад орууллаа | News.MN - Мэдээллийн эх сурвалж

Баянгол дүүрэгт ахмад настны 60 ортой эмнэлгийг ашиглалтад орууллаа

Хуучирсан мэдээ: 2017.06.22-нд нийтлэгдсэн

Баянгол дүүрэгт ахмад настны 60 ортой эмнэлгийг ашиглалтад орууллаа

“Оргил” рашаан сувиллын барилга 1974 онд баригдсан ба өнгөрсөн хугацаанд нэг ч удаа их засварт орж байгаагүй гэнэ.

Нийслэлийн Баянгол дүүрэгт ахмад настны нөхөн сэргээх эмчилгээний 60 ор бүхий хүчин чадалтай шинэ эмнэлгийн нээлт өнөөдөр боллоо. Нээлтийн арга хэмжээнд УИХ-ын гишүүн С.Эрдэнэ, Нийслэлийн нийгмийн хөгжлийн асуудал хариуцсан төслүүдийн удирдагч-Нийслэлийн Засаг даргын орлогч Ш.Анхмаа, нийслэлийн Эрүүл мэндийн газрын дарга Л.Төмөрбаатар, Баянгол дүүргийн Засаг дарга С.Одонтуяа, Баянгол эрүүл мэндийн төвийн дарга Д.Батжаргал болон эмч, сувилагч иргэдийн төлөөлөл оролцлоо. Нийслэл, дүүргийн хөрөнгө оруулалтаар уг эмнэлгийг барьж, ашиглалтад оруулснаар ахмад настанд үзүүлэх эмнэлгийн тусламж, үйлчилгээний чанар хүртээмжийг дээшлүүлэх бүрэн боломжтой болж байна. Энэ үеэр нийслэлийн удирдлагуудын зүгээс ахмад настнуудынхаа эрүүл мэндэд ихээхэн анхаарал хандуулж байгаа нь өнөөдөр нээлтээ хийсэн шинэ эмнэлгээс харагдаж байна хэмээн дүүргийн иргэд ихэд сайшааж байлаа.

Ахмад настны нөхөн сэргээх эмнэлгийн хувьд дотор, мэдрэл, уламжлалт эмчилгээний тасгийн хүрээнд үйл ажиллагаагаа явуулах юм байна. Мөн энэ онд Баянгол дүүргийн Эрүүл мэндийн төвд ерөнхий мэс заслын болон гэмтлийн тасгийг байгуулахаар санхүүжилтийг нь шийдвэрлэж, шаардлагатай тоног төхөөрөмжөөр хангахаар болжээ.

Цаашид ахмад настны нөхөн сэргээх эмнэлгийн дэргэд хүүхдийн 60 ортой эмнэлгийг ашиглалтад оруулахаар ажиллаж байна. Нийслэлийн томоохон дүүргийн нэгд тооцогддог Баянгол дүүрэг нь 23.387 ахмад настантай бөгөөд Эрүүл мэндийн төвд хэвтэн эмчлүүлэгсдийн 50-60 хувийг ахмад настан эзэлдэг аж гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

"Болор дуран"-аар шалгав.

1 Сэтгэгдэл

News.mn сайтад сэтгэгдэл оруулахад анхаарах зүйлс

Би монгол хүн 2017-06-22 202.9.42.235

ХЯТАДЫН ЗЭЭ ХҮҮ ЭНХБОЛДЫГ ЕРӨНХИЙЛӨГЧИД СОНГОЖ БАЙЖ ДАЯАР МОНГОЛЫН АРИУН ГОЛОМТ МОНГОЛ УЛСАА ХЯТАДЫН "АР МОНГОЛЫН ӨӨРТӨӨ ЗАСАХ ОРОН" БОЛГОЧИХОВ ДОО ЭХ ТҮҮХЭЭ ЭРГЭЖ НЭГ ХАРААД БАТТАЙ ТӨРИЙН ТУЛХТАЙ ЕРӨНХИЙЛӨГЧӨӨР ХАЛТМААГИЙН БАТТУЛГАА Л СОНГОЖ ҮЗЭЭРЭЙ ДЭЭ ЛУУГИЙН САВАРТ ОРСОН ӨВӨРЛӨГЧИД МААНЬ ОЛОН АРВАН ЖИЛИЙН ТУРШ ЯАЖ ТАМЛУУЛЖ ХОРООЛГОЖ ТАРЧИЛЖ БАЙДГИЙГ ТА НАР ЭРХБИШ НҮДЭЭР ҮЗЭЖ ЧИХЭЭР СОНОСОЖ БАЙДАГ БИЗЭЭ