Типитакадхара Угандхамала хуврага манай улсад айлчилна | News.MN - Мэдээллийн эх сурвалж

Типитакадхара Угандхамала хуврага манай улсад айлчилна

Хуучирсан мэдээ: 2017.06.21-нд нийтлэгдсэн

Типитакадхара Угандхамала хуврага манай улсад айлчилна

Сансарын туннелийн зүүн уулзварыг 7 сарын 20-ноос эхлэн 9 сарын 01-нийг хүртэл хааж, нүхэн гарцны ажил гүйцэтгэхээр боллоо.

Бурхан багшийн айлдсан 84000 цогц судрыг төгс эзэмшиж Типитакадхара цолыг хүртсэн Их бандида Типитакадхара Угандхамала хуврага манай улсад айлчилах гэж байна. Энэ их хуварга Монголын Випашяна бясалгалын Дхамма Махаана төвийн урилгаар 2017 оны 6-р сарын 26-наас 7-р сарын 5-ны хооронд Монгол оронд залрах гэж байна.

Их бандида Типитакадхара Угандхамала хуврагийн тухай товч өгүүлэхэд

Бурханы үед лам хуврагууд Випашяна бясалгалд шамдаж төгс гэгээрэлд хүрээд тэр л гэгээрэлд хүрэх аргыг шавь нарт заах үйл эрхэлдэг байсан бол зарим нь Бурханы айлдсан Ганжуурын гурван сав аймгийг хэсэгчлэн болон бүхлээр нь судалж цээжлэн тогтоогоод шавь нарт заан сургах гэсэн хоёр үндсэн үүрэгтэй байсан ажээ. Ганжуурын судрын аймгийг бүгдийг нь судлан цээжлэн тогтоосон хуврагт Бурхан Суттадхара буюу Судрыг эзэмшигч цол, Винайн аймгийг судалж цээжлэн тогтоосон хуврагт Винядхара буюу Винайн аймгийг эзэмшигч цол, Абидхаммагийн аймгийг судлан цээжлэн тогтоосон хуврагт Абидхаммадхара цол олгож байсан бөгөөд эдгээр гурван сав аймгийг гурвууланг нь судалж цээжлэн тогтоосон хуврагт Типитакадхара буюу гурван сав аймгийг эзэмшигч цолыг хүртээж байсан билээ. Лам хуврагуудын хийх ёстой үндсэн энэ хоёр чухал үүрэгт ажлыг өнөө ч гэсэн Бирм улсын лам хуврагууд гүйцэтгэсээр байгаа бөгөөд өнөө үед Випашяна бясалгал хийж гэгээрлийн шатуудад хүрсэн хувраг олон байгаагаас гадна Бурханы айлдсан Ганжуур Данжуурын судруудыг бүхлээр нь төгс судалж цээжлэн тогтоож Типитакадхара цол хүртсэн хувраг 20-21-р зуунд Бирм улсад 13 гарсан бөгөөд тэднээс өнөө үед Бирм оронд алдаршсан их хувраг бол Их бандида Типитакадхара Гандхамала хувраг юм. Энэ их хувраг нь 1968 оны 2-р сарын 19-нд Бирм улсын Мандалай хотод мэндэлсэн бөгөөд 9 настайдаа төрөлх хотын Буддын их хийдэд Шавилан сууж суралцаж эхлээд удалгүй ой тогтоолт хурц билгүүнээрээ онцгойрон шалгарч залуу хуврагуудын дунд зохион байгуулагддаг шалгалтанд 1-р байр эзэлж Ганжуур Данжуур цээжлэн судалж Типитакадхара болох амаргүй үйлсэд шамдаж Бирмийн хосгүй мэргэн лам нарыг түшиглэн суралцаж эхэлжээ. 1988 онд 20 настайдаа Гэлэн сахил хүртэж төгс хувраг болж буянт сүсэгтнүүдийн дэмжлэгтэйгээр ээлж дарааллан шалгалтуудыг амжилттай өгсөөр 2001 онд 33 настайдаа Бурханы айлдсан 84000 цогц судрыг төгс эзэмшиж Типитакадхара цолыг хүртжээ. Энэ их хувраг манай төвийн урилгаар 2017 оны 6-р сарын 26-наас 7-р сарын 5-ны хооронд Монгол оронд залрах гэж байна.

Их хувраг Типитакадхара Угандхамалагийн айлчлалын хөтөлбөр

  • 6 сарын 26-нд Чингис хаан нисэх онгоцны буудалд өдрийн 12 цагт бууна

  • 6 сарын 27-нд Випашяна бясалгалын Дхамма Махаана төвд айлчилж Том төвийн шав тавих зан үйлийг үйлдэж дараа нь бясалгагч нарт ‘Ганжуур ба Ганжуурыг эзэмшигч хувраг’ сэдвээр ном айлдана

  • 6 сарын 28-нд Бакула багшийн Бэтүв хийдэд ‘Винайн ёс болон Винайн аймаг’ сэдвээр сүсэгтэн болон лам хуврагуудад ном айлдана

  • 6 сарын 29-ны өглөө 9:00 цагт МУИС-ын дугуй зааланд олон нийтэд ‘Абхидхамма болон Абхидхаммагийн аймаг’ сэдвээр сургаал айлдана

  • 6 сарын 29-ны 14:00 цагт Бурхан шашинтны төв Гандантэгчэнлин хийдэд ‘Судар хийгээд Судрын аймаг’ сэдвээр ном айлдана

  • 6 сарын 30-ны 16 цагаас Дархан хотын Comfort hotel-ын хурлын зааланд олон нийтэд ном айлдана

  • 7 сарын 1-ны 12:00 цагт Эрдэнэт хотын Амгалан оршихуйн ордонын хурлын зааланд олон нийтэд ном айлдана

  • 7 сарын 3-ны 12:00 цагт Хөвсгөл аймгийн Мөрөн хотын хурлын зааланд олон нийтэд ном айлдана

"Болор дуран"-аар шалгав.

8 сэтгэгдэл

News.mn сайтад сэтгэгдэл оруулахад анхаарах зүйлс

итгэл 2017-06-21

маш сайхан байна номын айлтгалуудад очиж суух хүсэлтэй байна яаж холбогдох уу 80089944

Зочин 2017-06-21 66.181.177.177

Өвөг дээдсийнхээ үлдээсэн сургаал үлгэр домог тууль мэтийг хагас дутуу ойлгоход наад тэнэмэл бадарчингаас чинь илүү үнэнг олж авна даа Шашин нэртэй хар тамхинд донтогч мухар сүсэгтэнгүүд ховсдуулсан үхдэл 2 ижилдээ ижил адилдаа адил шүү Сэрээч ухаараачдээ

Иргэн 2017-06-21 27.123.214.126

Бадарчин ирвэл балагтай батгана суувал баастай гэдэгсэн бид чинь 16-р дуунаасаа хэзээ салж 21- р зуундаа хөл нийлүүлэн алхах юм бэ Манжууд биднийг дорой болгохын тулд шашин дэлгэрүүлсэн өнөөдөр олигархиуд бидний нүдийг харалган байлгахын тулд шашиныг дэмжээд байна

Зочин 2017-06-21 202.179.31.18

Мьянмар улсын төрийн хүндэтгэл хүлээсэн Бурханы 45 жилийн турш айлдсан Ганжуурын бүх зарлигийг цээжлэн тогтоож Типитакадхара Ганжуурба цол хүртсэн их хувраг Гандхамала Монголд 6сарын 26 наас 7сарын 5ны хооронд айлчилж байна Их бандидагийн сургаал лекцийг үнэ төлбөргүй сонсож уулзах их хувь ерөөл таньд олджээ Лам хувраг сүсэгтэн олон эрдэмтэн мэргэд та бүхнийг урьж байна https www facebook com events 156028598274172 ti=icl

Event 2017-06-21 202.126.91.219

Мьянмар улсын төрийн хүндэтгэл хүлээсэн Бурханы 45 жилийн турш айлдсан Ганжуурын бүх зарлигийг цээжлэн тогтоож Типитакадхара Ганжуурба цол хүртсэн их хувраг Гандхамала Монголд 6сарын 26 наас 7сарын 5ны хооронд айлчилж байна Их бандидагийн сургаал лекцийг үнэ төлбөргүй сонсож уулзах их хувь ерөөл таньд олджээ Лам хувраг сүсэгтэн олон эрдэмтэн мэргэд та бүхнийг урьж байна\n\nhttps www facebook com events 156028598274172 ti=icl

Зочин 2017-06-21 31.4.203.80

Бирмийн лам нар чинь жинхэнэ алуурчид шүү дээ

hm 2017-06-21 90.195.190.53

Za bas hen be Shashin nomlol yrisan humuuseer dutaagui bur iluu garaad sagaad baina Unshih aildah nom ene ter baidag bol heden lam nartaa unshij ogchihood chimeegui bai

Зочин 2017-06-21 202.9.42.235

БАС ЯМАР ГАЗРЫН ШУНАЛТ БУЗАР ХУВАЛЗ НЬ МОНГОЛЧУУДЫН ГҮРЭЭНИЙ ЦУСЫГ СОРОХООР ДОНШУУЧИЛЖ ЯВНА ВЭ [Хориотой Үг] ЦААШАА