“Бага сургууль, цэцэрлэгийн цогцолбор”-ын шав тавих ёслол боллоо | News.MN - Мэдээллийн эх сурвалж

“Бага сургууль, цэцэрлэгийн цогцолбор”-ын шав тавих ёслол боллоо

Хуучирсан мэдээ: 2017.06.21-нд нийтлэгдсэн

“Бага сургууль, цэцэрлэгийн цогцолбор”-ын шав тавих ёслол боллоо

#Ulaanbaatar хотод #yagodoo 2012-07-19 16 цаг. Цаг агаар: ширүүн бороо (Light Rain) агаарын температур: 15 хэм байна.

Сонгинохайрхан дүүргийн 32 дугаар хороонд 280 хүүхдийн “Бага сургууль, цэцэрлэгийн цогцолбор”-ын барилгын ажлын шав тавих ёслол өнөөдөр боллоо. Тус хороонд бага сургууль цэцэрлэгт хамрагдах 680 гаруй хүүхэд амьдардаг аж. Одоогоор ерөнхий боловсролын сургууль байхгүй бөгөөд 80 хүүхдийн ганц цэцэрлэг үйл ажиллагаа явуулж байгаа юм байна. “Бага сургууль, цэцэрлэгийн цогцолбор”-ын барилгын ажлын шав тавих ёслолын арга хэмжээний үеэр нийслэлийн Засаг даргын Нийгмийн асуудал хариуцсан орлогч Ш.Анхмаа “Нийслэлийн Засаг дарга бөгөөд Улаанбаатар хотын Захирагчийн мөрийн хөтөлбөрт “Хороо бүрийг сургууль, цэцэрлэгтэй болгоно” гэж  тусгасан. Үүний дагуу нийслэлд 72 сургууль, цэцэрлэгийг барихаар төлөвлөсөн. Энэ ондоо багтаад 30 барилга хүлээлгэж өгөх зорилго тавин ажиллаж байна. Мөн Засгийн газрын концевциор 3 ээлжээр хичээллэж байгаа 28 сургуулийн барилгын өргөтгөлийн ажил хийгдэнэ. Хятадын засгийн газрын буцалтгүй тусламжаар 7 сургуулийн барилгын ажил эхлүүлнэ. Тэгэхээр бидний тавьсан зорилго давуулан биелэгдэнэ гэж ойлгож байгаа. Өнөөдрийн шавыг нь тавьж буй хороонд бага сургууль байхгүй. Байгаа ганц цэцэрлэг нь тухайн хорооныхоо иргэдийн ачааллыг дийлдэггүй.  Тиймээс өнөөдөр 280 хүүхдийг хүлээн авах хүчин чадал бүхий сургууль цэцэрлэгийн барилгын шавыг тавьж байна. Гүйцэтгэгч компани нь шуурхай ажиллаж энэ хорооны хүүхдүүд удахгүй сурч боловсрох тохилог орчинтой болно гэдэгт итгэлтэй байна” хэмээв. Тус хорооны иргэд тулгамдаж байсан хамгийн гол асуудлыг ийнхүү шийдвэрлэхээр эхлүүлж байгаад талархал илэрхийлж байлаа. Барилгын ажлын уг төслийг хэрэгжүүлэгчээр  “Рич голден буллс эдукэшн” ХХК ажиллаж байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

"Болор дуран"-аар шалгав.

3 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2017-06-21 66.181.187.37

энэ 3 БААГИЙ ДЭмий тэнэж улс амьтаны цаг үрж байхаар наад тэнэх мөнгөөрөө сургууль цэцэрлэг барь нэг хүн нь л 5-10 цэцэрлэг барих мөнгөөр толгойны хаг үргээж яваа СУРАГ байна

Зочин 2017-06-21 66.181.187.37

Сонгуулийн ШОУ сонгууль өнгөрөөд санхүү байхгүй гээд ДАШИЙ ШООГ

Зочин 2017-06-21 202.131.225.178

680 хүүхэд амьдарч байхад заавал 280 хүүхдийн цогцолбор барьдаг нь юучив дээ Заавал хүрэлцээгүй байх ёстой юм байх даа