УИХ-ын гишүүн Б.Бат-Эрдэнэ Хэнтий аймаг руу хөлгийн жолоо сунгажээ.
Тэрбээр өнгөрсөн долоо хоногт Төв аймагт явсан юм сан. Ингэхэд аварга
маань нээрээ яагаад энд, тэндгүй давхиад нийслэлд тогтохгүй яваа юм бол?

Ерөнхий сайд, МАН-ын дарга С.Батболдыг эзгүй үед намынхаа удирдлагад
хандсан хатуухан шүүмжлэл өрнүүлж, улмаар ил захидал бичиж бужигнуулсан
аварга үйл явдлын халуун цэгээс тойрч давхиад явна уу даа?

МАН-ыг хүлээн зөвшөөрөхгүй байгаа гишүүн Ц.Шинэбаярын эсрэг намын
дайралтыг буруутгаж, бас Оюутолгойн гэрээг Монголын талд ашиггүй
шийдлээр байгуулсныг шүүмжилсэн Б.Бат-Эрдэнэ, Э.Мөнх-Очир, Ц.Даваасүрэн,
Б.Тэрбишдагва нарын гишүүдийг намын удирдлагууд нь энэ өдрүүдэд ээлж
дараалан зэмлэж, сүрдүүлж байна. Энэ байдлаас болоод Б.Бат-Эрдэнэ аварга
маань хүртэл айхгүй ч аягүйцнэ гэгчээр халгаж гүйгээд байгаа бололтой.
Цагийг эзэлсэн их аварга, монгол бөхийн дэвжээнээ нэгэн үеийг ганцаараа
эзэгнэж явсан аваргыг хүртэл барьц өгөхгүй халгатал нь айлгадаг МАН-ын
“уурга урт, хуйв уужим” юм даа гэж хөндлөнгөөс харсан хүнд бодогдохоор
байна шүү.