Хуулийн төслийг өргөн мэдүүллээ | News.MN - Мэдээллийн эх сурвалж

Хуулийн төслийг өргөн мэдүүллээ

Хуучирсан мэдээ: 2017.06.20-нд нийтлэгдсэн

Хуулийн төслийг өргөн мэдүүллээ

Италийн Сардин арал дээр амралтынхаа өдрүүдийг өнгөрүүлж байгаа дуучин Рианна энэ зуны хувцасныхаа стилээр хан боргоцойн зурагтай, өнгөлөг, чөлөөт хэв маягийн майк, нарны малгайг сонгосон бололтой.

Монгол Улсын Их Хурлын дарга М.Энхболдод өнөөдөр (2017.06.20) Стандартчилал, техникийн зохицуулалт, итгэмжлэлийн тухай хуулийн төслийг УИХ-ын гишүүн, Засгийн газрын гишүүн, Засгийн газрын Хэрэг эрхлэх газрын дарга Ж.Мөнхбат өргөн мэдүүллээ.

Өнөөдөр хүчин төгөлдөр мөрдөгдөж байгаа Стандартчилал, тохирлын үнэлгээний тухай хуулийг улс орны нийгэм, эдийн засгийн харилцааны өөрчлөлт, шинэчлэлтэй уялдуулан сайжруулах, түүнчлэн Монгол Улс Дэлхийн худалдааны болон олон улсын, бүс нутгийн стандартчиллын байгууллагын өмнө хүлээсэн үүргээ биелүүлэх, бараа, бүтээгдэхүүн үйлдвэрлэл, худалдаа, үйлчилгээний чанар, аюулгүйн шаардлагыг стандартаар тогтоох, түүнийг үнэлэх, хүлээн зөвшөөрч баталгаажуулах харилцааг зохицуулж байгаа эрх зүйн орчноо олон улсын нийтлэг жишиг, зарчимд нийцүүлэн шинэчлэх шаардлагатай болжээ.

Дээр дурдсан үндэслэл, шаардлагыг үндэслэн Стандартчилал, техникийн зохицуулалт, итгэмжлэлийн тухай хуулийн шинэчилсэн найруулгын төслийг боловсруулж, дараах зарчмын асуудлыг хуулийн төсөлд тусгасан байна.

1. Монгол Улсад мөрдөх стандарт, техникийн баримт бичгийг зөвлөмжийн хэлбэрээр, сонгон хэрэглэх, тэдгээрийг боловсруулах, хүлээн зөвшөөрч батлах бүхий л үйл явцад нээлттэй, ил тод оролцооны тэгш байдлыг хангах, улмаар үйлдвэрлэл, худалдаа, тохирлын үнэлгээний хүрээнд түүнийг иш татах, хууль эрх зүй, зохицуулалтын баримт бичигт эш татах замаар заавал мөрдүүлдэг олон улсын нийтлэг жишигт шилжих;

2. нийтийн ашиг сонирхол, хүн, малын эрүүл мэнд, хүрээлэн байгаа орчин, улс орны аюулгүй байдлыг хамгаалах асуудлыг олон улсын нийтлэг жишиг, зарчимд нийцүүлж, техникийн зохицуулалтаар шийдвэрлэж байх;

3. үйлдвэрлэл, бараа бүтээгдэхүүний чанар, аюулгүй байдлыг хангахад чиглэгдсэн, стандартчилал, тохирлын үнэлгээ, техникийн зохицуулалт, итгэмжлэлийн үйл ажиллагааны хамрах хүрээ, ажиллах зарчим, бүтэц, зохион байгуулалт, эрх үүргийг нарийвчлан тогтоох, улмаар үйлдвэрлэл, худалдаанд байгаа техникийн элдэв саад тотгор, хүндрэлийг багасгах замаар олон улсын гэрээ, хэлэлцээрийн өмнө хүлээсэн үүргээ биелүүлэх боломж, орчныг бүрдүүлэх;

4. хуулийн нэр томьёог уг хуулийн төслийн агуулга, олон улсад нийтээр даган мөрдөж буй аргачлал, арга зүйн удирдамж, зааварт нийцүүлэх.

Хуулийн төслийг боловсруулахдаа Улсын Их Хурал, Засгийн газар, агентлагийн зарим удирдах ажилтнууд Европын Холбооны улсуудын стандартчилал, техникийн зохицуулалт, итгэмжлэлийн эрх зүйн орчинтой танилцсан бөгөөд Европын холбоо, Монгол Улсын Засгийн газар хооронд байгуулсан “Монгол Улсын стандартчиллын тогтолцоог шинэчлэхэд дэмжлэг үзүүлэх төсөл”-ийн шинжээчдээс гаргасан зөвлөмж, дүгнэлтийг үндэслэн боловсруулжээ гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

"Болор дуран"-аар шалгав.

3 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2017-06-20 202.131.231.50

Монгол ардын намын журмын нөхөд өө Та бүхэндээ хэлэх ганц нэг үг байна Би өнөөдрийг хүртэл намдаа үнэнч сэтгэлээр хандан зүтгэж ирсэн нэгэн билээ Ерөнхийлөгчийн сонгуулийн сурталчилгаа эхэлснээс хойш өнөөдрийг хүртлэх хугацаанд Намынхаа үйл ажиллагаанд үндсэндээ гутраад явж байна Ядаж татвар тэтгэврийн асуудал Ганц нэг гудамныхаа хүмүүстэй уулзахаар дандаа маа таглуулж байна Үнэхээр ч тийм байна Тэр их өр тавьж хөтөлбөрт орох гэдгийг чинь хөршүүд маань хүлээн авч чадахгүй байна Өөрсдөө баахан өрөнд оруулсан гэж биднийг хуурч сонгогдчихоод бараг 4 дахин илүү өр тавих гэлээ гэж Алт 2 гэдэг бас таалагдахгүй байна Санай СХД-т ихэвчлэн баруун аймгаас нүүж ирсэн тэр дундаа Архангай Өвөрхангайчууд их Тэд Рохон Тамир гээд голуудаа яаж бохирдуулж байгааг ярьж байна Хамгийн сүүлд нь хэлэхэд [Хориотой Үг] иргэдийн даврал Саяхан Завханд ч гэнэ үү нэг жаахан залуу баахан [Хориотой Үг] нар сүг болтол зодсон дуулдана Энэ чинь юу болж байна Нөгөө хотонд нь ирээд хонь минийх гэдэг болоод эхэллээ Тэгэхээр түмэн олон минь олон зуун жил үндэснийхээ эрх чөлөө тусгаар тогтнолоо хамгаалж ирсэн эцэг өвгөдийнхөө цусаар гагнагдсан эх орноо хамгаалах үүрэг бидэнд иржээ Тиймээс эх орноо нэгд намаа 2 т тавихаар шийдлээ

Үнэн 2017-06-20 103.11.193.98

Авилага бол үндэстний мөхөл Дэлхийн хамгийн өндөр хөгжилтэй сайхан амьдралтай улсууд нь авилагын эсрэг тэмцэж чадсан л улсууд байдаг МАН-ын 60 тэрбумаар төрийн албан тушаалыг зарсан нь Авилагыг хяналтгүй улс болголоо Энэ асуудлаар хууль хяналтын байгууллага Ерөнхийлөгч чимээгүй байгаагийн гол шалтгаа нь тэд бүгд худалдагдсан гэсэн үг Авлигыг хянах байгууллага нь худалдагдсан болхоор бид яах вэ ЕРӨНХИЙЛӨГЧ ЯАСАН БЭ БҮРЭН ЭРХ Нь БАЙГАА ШҮҮ ДЭЭ ТЭДНИЙГ БАРьЖ ХОРИОЧ ЭЭ БИД ЯМАР НЯДАЛГАНЫ М А Л УУ

Зочин 2017-06-20 59.153.85.65

Хэцүү л юм болох нь Энхболд минь сэтгэлээ чанд бариарай