УИХ-ын гишүүн Д.Арвинд сонголт хийхийг намынх нь нөхөд тулгаж эхэлсэн бололтой. Тэрбээр “Ямар ч үед Н.Энхбаярын талд зогсоно” гэж ам алдсан удаатай. Бас өөрийнх нь зөвлөх Н.Удвал МАХН-ын түр штабыг байгуулж Ардын намынхантай “дайтаж” байгаа. Тиймээс намынх нь нөхөд “Зөвлөхөө дагах уу, намаа дагах уу. Сонголтоо хий” гэсэн шаардлагыг Д.Арвин гишүүнд тавьж эхэлсэн гэнэ. Харин энэ талаар Д.Арвин гишүүн өнөөг хүртэл тодорхой байр сууриа илэрхийлэхээс татгалзсаар байгаа ажээ.

Эх сурвалж: “Улс төрийн тойм” сонин