Түймэр унтраахаар гэрээсээ гараад хоёр сар болж байгааг дуулгав

Онцгой байдлын ерөнхий газраас гал түймэр унтраахад туслалцаа үзүүлсэн аж ахуй нэгжид талархал гардууллаа. Энэ үеэр гал түймрийн нөхцөл байдлын талаар мэдээлэл хийсэн юм. Өнөөдрийн байдлаар /2017.6.19/ улсын хэмжээнд 101 удаагийн ой, хээрийн гал түймэр гарчээ. Үүнээс үүдэж 66508 га талбай түймэрт өртсөн байна.

Өнгөрсөн оны мөн үед 82 түймэр гарч байжээ. Харин энэ жил ой, хээрийн түймрийн гаралт 20 гаруй хувиар илүү байна гэв. Шалтгаан нь хур бороо ороогүй, газар дэлхий хуурайшилттай байгаагаас үүдэлтэй аж.

Өнөөдрийн байдлаар цурманд оруулсан түймэр: Сэлэнгэ аймгийн Ерөө суманд гарсан нэг түймэр, Хэнтий аймгийн Биндэр суманд нэг, Булган аймгийн Тэшиг, Сэлэнгэ суманд гарсан тус бүр нэг, нийт 4 түймэр.

Одоогоор асаж байгаа түймэр: Хэнтий аймгийн Өмнөдэлгэр суманд нэг, Төв аймгийн Эрдэнэ, Мөнгөнморьт суманд тус бүр нэг түймэр, Булган аймаг Тэшиг суманд нэг, нийт 4 түймэр байна.

Улсын хэмжээнд гал түймэр их гарч байгаа тул Зэвсэгт хүчний анги салбараас 238 албан хаагчийг татан оролцуулааад байгаа аж.

Түймрийн голомт дээр Онцгой байдлын албанаас 337 албан хаагч, 30 автомашинтайгаар, орон нутгаас 331 иргэн, 20 автомашинтайгаар, Зэвсэгт хүчнээс 238 албан хаагч, 14 автомашинтайгаар, Хилийн цэргээс 4 албан хаагч, ХХДЦГ-аас 12 ажилтан, 2 автомашинай, нийт 922 хүн,1 нисдэг тэрэг, 66 автомашинтайгаар ажиллаж байна. Эдгээр албан хаагчдын дунд гэрээсээ гараад хоёр сар болж байгаа хүн цөөнгүйг дурдлаа.

Түймэр унтраахад хүндрэл учруулж буй шалтгана нь модны үндсээр дамжиж тархаж байгаагаас болжээ. Онцгой байдлын албан хаагчид гарсан түймрийг цурамд оруулдаг ч түймэр модны үндсээр дамжиж газар доогуур явсаар өөр хэсгийг галдаж байна гэлээ. Тиймээс газар ухаж модны үндэс услах байдлаар гал түймрийг бүрэн унтрааж байгаа аж. Энэ нь маш их ажиллагаа шаардаж байгаа ч үүнээс өөр боломж байхгүй хэмээн учирлав

Гал түймрийн учир шалтгааныг олон жилийн дунджаас харахад: