Ч.Мөнх-Эрдэнийн эмчилгээнд 240 сая төгрөг шаардлагатай байна | News.MN - Мэдээллийн эх сурвалж

Ч.Мөнх-Эрдэнийн эмчилгээнд 240 сая төгрөг шаардлагатай байна

Хуучирсан мэдээ: 2017.06.19-нд нийтлэгдсэн

Ч.Мөнх-Эрдэнийн эмчилгээнд 240 сая төгрөг шаардлагатай байна

Н.Мягмар Галдан бошигтын дүрд

Ятга хөгжмийн хосгүй төлөөлөгч, нэрт ятгачин Ч.Мөнх-Эрдэнэ эдгээр өдрүүдэд БНСУ-д яаралтай эмчилгээнд ороод байна. Тэрээр ходоодны хорт хавдраар хүндээр өвчилж, III шатанд орж эмчилгээ хийлгэж байгаа юм. Энэ өвчнийг анагаахын тулд Сөүл хотод мэс засал эмчилгээ хийлгэж байгаа бөгөөд эмчилгээний зардалд 240 сая төгрөг шаардлагатай болоод байна. Өнөөдөр түүний эмчилгээнд хандив өргөх тоглолтын талаар мэдээлэл өгөхөөр урлагийнхан цугласан юм. Улсын драмын эрдмийн театрт болсон энэхүү хуралд урлаг соёлын төлөөлөл болон “Хатан ятгын эгшиглэн тасаршгүй” сайн үйлсийн аяны хамт олон оролцлоо.

Ятгачин Ч.Мөнх-Эрдэнийн эмчилгээнд зориулсан хандивын тоглолт UB Palace, Монгол бөхийн өргөөнд зургадугаар сарын 30, долоодугаар сарын 1ний өдөр болох аж.

“Хатан ятгын эгшиглэн тасаршгүй” рок, поп дуучдын нэгдсэн тоглолт зургадугаар сарын 30-ны 19.00 цагаас UB Palace концертын их танхимд болно. Мөн “Бид монголчууд” мэргэжлийн урлагийн байгууллагуудын уран бүтээлчдийн нэгдсэн тоглолт долдугаар сарын 1ний 17.00 цагаас Монгол бөхийн өргөөнд болохоор болжээ.

Энэхүү сайн үйлсийни аянд нэгдэж, мэргэжлийн урлагийн байгууллагын уран бүтээлчид оролцох юм. Үүнд, УДЭТ, УДБЭТ, ҮУИТ, Улсын филармони, ЦДБЭЧ, Улаанбаатар чуулга, “Түмэн эх” чуулга, СУИС, ХБК, Олон улсын хөөмэйн сургуулийн багш нар, “Хөсөгтөн”, “Бөртэ”, “Алтай” зэрэг язгуур урлагийн хамтлагууд оролцохоо гадна Ардын жүжигчин А.Долгор, Гавьяат жүжигчин Г.Ариунбаатар, Г.Эрдэнэбат, У.Далантай, Н.Чулуунхүү, С.Цогтсайхан, Л.Болдбаатар, Х.Лхагвасүрэн \Харанга\, Д.Дашдондог, Б.Чинбат нарын алдартнууд оролцоно. Мөн дуучин Б.Наран, Т.Дэлгэрмөрөн, С.Сэрчмаа, Д.Баярцэцэг, Ука, хийлч Дээгий, “Хурд”, “Никитон”, “Эмошин”, “Ньанс”, “Увертюра”, “Дэлхий”, “Жаз” хамтлагууд багтжээ. Бусад дуучдаас Г.Бямбажаргал, Ө.Цэрэнчунт, Э.Болормаа, Х.Батмэнд, Д.Хишигбаяр, Р.Дэлгэрмаа, Д.Бурмаа, А.Мөнхбат, Л.Банзрагч, Э.Төрмандах, О.Гансувд, Л.Чулуунбаатар, А.Түмэн-Өлзий, П.Идэржавхлан зэрэг уран бүтээлчид уран бүтээлээ хүргэхээс гадна ҮУИТ-ын Үндэсний их найрал хөгжим бүрэн бүрэлдэхүүнээр оролцох аж. Хоёр өдөр дараалан болох тоглолтын найруулагчаар Гавьяат жүжигчин Ё.Цэрэндолгор ажиллаж байгаа юм байна.

“Хатан ятгын эгшиглэн тасаршгүй” сайн үйлсийн аянд монголчуудаа нэгдэхийг уриалж, зургадугаар сарын 30, долоодугаар сарын 1ний өдөр болох тоглолтуудыг үзэж, сэтгэлийн хандив өргөхийг хүслээ.

Ятгачин Ч.Мөнх-Эрдэнийн эмчилгээнд зориулсан хандивын тоглолт болон бусад арга хэмжээний ерөнхий зохион байгуулагчаар “Урлаг маркет” ХХК ажиллаж байгаа бол “Хос хас пресс”, “Үлэмж” продакшин, Сайн найзууд групп, “Эвлэн мандуулах хүч”, “Босоо хөх Монгол” хөдөлгөөнийхөн хамтран ажиллаж байна.

Монголын Үндэсний ятга хөгжмийн тоглоочийн ур чадварт бодитой шинэчлэл хийж, ноотлох тэмдэг тэмдэглэгээг зохиож, эртний нүүдэлчдийн Алтай ятга, Аху их ятгыг сэргээн хөгжүүлэхэд үнэтэй хувь нэмэр оруулж, монгол хөгжмийн гайхамшиг, уран бүтээлчийн чансааг дэлхийд гайхуулж яваа ховорхон уран бүтээлч, ятгачин Ч.Мөнх-Эрдэнэд туслахыг Монголын ард түмнээсээ хүслээ.

Ч.БОЛОР

"Болор дуран"-аар шалгав.

4 сэтгэгдэл

News.mn сайтад сэтгэгдэл оруулахад анхаарах зүйлс

зочин 2017-06-19 103.229.123.39

Энхболд гуай мөнгөнөөсөө өгөөд яаралтай хагалгаанд оруулчихвал яаж байна энэ бүсгүйг охин нь гэж бөөн брэнд болсон [Хориотой Үг] байдаг гэж Соронз сэтгүүлээс харсан юм байна Буян болно шүү

зочин 2017-06-19 103.57.92.112

Тоглолт л үзье дээ Далайд дусал нэмэр

Одоо Монголд мөнгөтэй 3 хүн л байгаа, ятгачин бүсгүйд туслах хэрэгтэй 2017-06-19 202.70.33.242

Монгол Улсын Ерөнхийлөгчийн сонгуульд өрсөлдөж байгаа гурван нэр дэвшигчийн арилжааны дөрвөн телевизээр цацсан ес хоногийн сурталчилгааны зардал 1 тэрбум орчим төгрөгт дөхөж очсон байна \n\n“Шударга сонгуулийн төлөө иргэний нийгмийн хяналт сүлжээ”-ний гишүүн Бодлогод залуусын хяналт төрийн бус байгууллага нь сонгуулийн компанит ажлын санхүүжилтэд мониторинг хийхэд дээрх дүн гарчээ Энэ талаараа өнөөдөр 2017 06 19 сэтгүүлчдэд мэдээлэл хийлээ \n\nСурталчилгааны зардлыг тооцон гаргахдаа \'C-1\' \'MN-25\' \'TV-9\' \'UBS\' гэсэн дөрвөн телевизийн Сонгуулийн ерөнхий хороонд хүргүүлсэн үнийн саналд тулгуурлан цацсан мэдээллийнхээ цагтай уялдуулж дунджаар тооцон гаргасан байна Зардлыг нарийвчилбал \n\nАрдчилсан намаас нэр дэвшигч Х Баттулга 371 032 953\nМАН-аас нэр дэвшигч М Энхболд 356 951 734\nМАХН-аас нэр дэвшигч С Ганбаатар 248 776 199 төгрөг\nНийт дүнгээрээ гурван нэр дэвшигчийн ес хоногийн хугацаанд дөрвөн телевизээр цацсан сурталчилгааны зардал 976 760 886 төгрөгт хүрч буй аж \n\nАйл өрхүүдэд нэг удаад тараахаар хэвлүүлсэн гурван нэр дэвшигчийн сурталчилгааны хэвлэмэл материалын зардал мөн 1 тэрбум төгрөгт хүрсэн тараах орон нутагт хүргэх зардлыг нэмж тооцвол зардал өснө гэж тус төрийн бус байгууллагын тэргүүн хэллээ

Ерөнхийлөгчид үзэж байгаа 3-т 2017-06-19 202.70.33.242

Ерөнхийлөгч болчих гээд сэрүүн зүүдэлж нойр хоолоо мартан буй 3 эрхэм ялангуяа Энхболд Тулга 2 ярилцаж байгаад 2 өдрийн сурталчилгаагаа зогсооход л 240 сая төгрөг хэмнэнэ дээ Тэрийгээ энэ хосгүй ятгачин бүсгүйд хандивлах хэрэгтэй Хэрэгтэй хэрэггүй эрээн мяраан цаас "үйлдвэрлэж" [Хориотой Үг] болгож байхын оронд үлдэх юмтай л гэсэн санаа шүү