Аврагчийн гараас амьдрал цэцэглэнэ

Хуучирсан мэдээ: 2017.06.19-нд нийтлэгдсэн

Аврагчийн гараас амьдрал цэцэглэнэ

Миний уулзсан залуу Батжаргалын Доржсүмбэр. Дундговь аймгийн Сайнцагаан сумын уугуул. Ярилцжээ суусан чинь элдвийг санаж сэддэг, бодож бясалгадаг, ер нь нийгмийн идэвхитэй залуу юм.

Дорнод аймгийн Баяндун суманд гарсан хээрийн түймрийг унтраахаар албан үүргээ гүйцэтгэж яваад амь эрсэдсэн албан хаагчдын гэр бүл, төрөл төрөгсөд болон Дорнод аймгийн Онцгой байдлын газрын албан хаагчид үе, үеийн аврагч, гал сөнөөгчдийн яруу алдрыг мөнхжүүлэх, ард иргэдэд сурталчлан таниулах, орчин үеийн залуучуудыг эх оронч үзлээр төлөвшүүлэн хүмүүжүүлэх ач холбогдол бүхий хөшөөг барьж бүтээн байгуулах санаачилгыг гаргажээ.

Уг хөшөө Дорнод аймгийн Чойбалсан хотын төв “Найрамдал” цэцэрлэгт хүрээлэнд сүндэрлэх бөгөөд хөшөөний нүүрэн хэсэгт Онцгой байдлын албаны лого бүхий “Аврагчийн гараас амьдрал цэцэглэнэ” гэсэн бичээс бичигдэх юм байна.  Хөшөөний зүүн хэсэгт Монгол Улсын Төрийн дуулал, баруун хэсэгт ОБАЭБ-ын албан хаагчийн тангараг байх бөгөөд “БИД МАРТАХГҮЙ”
“Тэд Юунаас ч үнэтэй эх орон төрөлх нутгаа
Юутай ч зүйрлэшгүй алтан амиараа сольсон юм” гэсэн бичээс хөшөөний арын хэсэгт бичигдэхээр зургийг гаргажээ.

Өндөр нь 4.70 метр бетон суурьтай, үндсэн хэсэг нь хүрэл цутгамал хөшөө байх юм. Энэхүү хөшөөний утга нь амьдралыг яргуй цэцгээр төсөөлж, Онцгой байдлын албаны аврагчийг хүний гараар төлөөлүүлэн хүний амь нас, амьдрал, байгаль, эх дэлхийг гамшгийн аюулаас аварч, хамгаалж байгаагаар дүрсэлсэн байна.

Онцгой байдлын албаны үе, үеийн аврагч, гал сөнөөгчдийн яруу алдрыг мөнхжүүлэх, эх орон, байгаль дэлхийгээ хамгаалан алтан амиа алдсан аврагч, гал сөнөөгчдийнхөө гэгээн дурсгалд зориулан бүтээх энэхүү хөшөөг бүтээхэд дэмжлэг үзүүлэн хамтран ажиллах уриалгыг Дорнод аймгийн Онцгой байдлын газар, Ахлагчийн зөвлөлөөс гаргалаа гэж Дорнод аймгийн Онцгой байдлын газраас мэдээллээ.

NewsMN Гар утасны хувилбар Татах
NEWS.mn

Мэдээллийн эх сурвалж