Скаут яагаад чухал вэ? | News.MN - Мэдээллийн эх сурвалж

Скаут яагаад чухал вэ?

Хуучирсан мэдээ: 2017.06.18-нд нийтлэгдсэн

Скаут яагаад чухал вэ?

Түвдийн тусгаар тогтнолыг хүлээн зөвшөөрч, Дээрхийн гэгээн XIV Далай ламыг эх нутагт нь буцааж авчрахыг уриалан нэгэн түвд хүн АНУ-ын Лос Анжелос хотод байрлах Хятадын элчин сайдын яамны үүдэнд зулын гол болжээ.

Дөрвөн жил тутам зохион байгуулдаг Жембори нь скаут болон скаутын хөдөлгөөнийг сонирхогч 11-17 насны хүүхдүүдийн майхант цугларалт юм. Тэгвэл Улаанбаатар хотноо ирэх долоодугаар сарын 27-оос наймдугаар сарын 2-ны хооронд Ази, Номхон далайн бүсийн 31 дүгээр Жембори болох гэж байна. ‘Найрамдал’ цогцолборт болох Жемборид гадаадын 50 гаруй орны 2000, манай 4000 орчим хүүхэд, 1600 орчим насанд хүрэгч, сайн дурынхан оролцоно. Энэхүү Жемборид шаардагдах хөрөнгийг Засгийн газрын нөөц сангаас гаргахаар тогтсон билээ.

Манай улс 2012 онд Бангладеш Улсад болсон Бүсийн их хурлаас 31 дүгээр Жембориг зохион байгуулах эрхээ авсан байна.  

Жемборийн үеэр үндэсний онцлог, нүүдэлчин соёл, ахуйг харуулсан хөтөлбөр, хүүхэд, залуучуудын адал явдалт уралдаан, тэмцээн, урлаг, соёлын арга хэмжээ болохоос гадна хүүхдүүд харилцан мэдээлэл, туршлагаа солилцож, анд нөхөд болно.

Энэ удаа скаутын тухай ойлголтыг мэргэжлийн хүний дүгнэлтээр хүргэж байна.


СКАУТ ЯАГААД ЧУХАЛ ЮМ БЭ?
—————————————–

Яг иймэрхүү утгатай асуултыг хүүхдийнхээ ирээдүйд санаа зовж явдаг маш олон эцэг, эх асуудаг. Бас зарим хүмүүс скаутыг зүгээр л нэг аялаж явдаг нэг бол Жембори, зуслан, цугларалт хийсэн эрээн цамцтай нөхдүүд ч гэж ойлгох нь их байх шиг байгаа юм. Тиймээс 26 жил өөрийн өчүүхэн хүчээ өгөн зүтгэж байгаа энэхүү ДЭЛХИЙд танигдсан хүүхдийн байгууллагынхаа агуулгын тухай хүргэж байна.

Өнөөдөр хүн төрлөхтний хамгийн том асуудал нь эдийн засгийн хямрал, дайн дажин, уур амьсгалын өөрчлөлт, хотжилт, технологийн дэвшлийг дагасан элдэв асуудлууд биш харин “ХҮН” гээч үнэт зүйл жинхэнэ утгаараа үгүй болж байгаад оршино. Учир нь том хүмүүс бид эрдэмтэй, авъяастай, нэр хүндтэй хүүхэдтэй болох дээр л анхаараад “нийгмийн иргэн” болохыг нь орхигдуулсан. Үүнтэй холбоотойгоор агуулга бус хэлбэр хөөцөлдсөн хэд хэдэн үеийг бий болгочихоод байгаа нь дээрхи асуудлуудын жинхэнэ “эзэд” юм. Бид жижиг байшинд олуулаа амьдардагаа болиод том байшинд цөөхүүлээ амьдардаг болсон. Хэн нэгэнтэй нүүр тулан ярилцахын оронд олон нийтийн сүлжээ, гар утасны захиа, яриагаар харилцаагаа хязгаарладаг болсон. Гэтэл хүн гэдэг “амьтанд” хэн нэгэнтэй харилцах, үзэл бодлоо илэрхийлэх, өөрөөрөө бахархах, бусадтай өрсөлдөх, хайрлах, халамжлуулах, хариуцлага хүлээх, бие бялдарынхаа хүчийг үзэх, ямарваа нэгэн зүйлийг өөрийн биеэр бүтээх байгалийн хүсэл эрмэлзлэл, хэрэгцээ байсан, байгаа, байх ч болно.

Тэгвэл бидний хүүхдүүд энэ бүх хэрэгцээгээ хэрхэн хангаж байна вэ? Таны машины арын суудал, олон нийтийн мэдээллийн хэрэгслүүдийн толгой эргэм мэдээллүүд, хааяа нэг тааралдах “амьд” харьцаа, нийгмийн сүлжээний хяналтгүй орчин, биеийн тамирын хичээл, сургуулийн орчингоос бүрэн дүүрэн авч чадах уу? Үгүй л болов уу?

Харин 110 жилийн түүхтэй скаутын хөдөлгөөний анхан шатны нэгжийн гишүүн байж хамт олны дунд дэвшилттэй урамшууллын хөтөлбөр /өнөөх цамцан дээр байдаг олон эмблемүүд хүүхдийн хөгжлийн илэрхийлэл байдаг/-өөр дамжин өөрийгөө хөгжүүлснээр бий болдог. Анхан шатны нэгжийн гишүүн байснаар хичээлийн нэг жилийн дотор 26 удаагийн /3 нь аялал, зугаалга байна/ бүлгийн ажилд хамрагдан өөрийгөө хөгжүүлж, хамт олныхоо дунд хариуцлага хүлээж, бусдынхаа өмнөөс хичээж, зөв өрсөлдөөн, эмх журам, амьд харьцааг мэдрэхийн хамт шинэ зүйлсийг сурч, амьдралд хэрэгтэй мэдлэг, дадал, чадвар олж авдаг юм. Энэхүү бүлгийн ажил бол миний бодлоор скаутын хөдөлгөөний 75% нь бөгөөд үлдсэн 25% нь Жембори, аялал, зуслан, цугларалт гэх зүйлс бөгөөд үүнийг өөрийгөө хөгжүүлж байгаа хүүхдэд өгч байгаа шагнал, өөрийгөө сорьж үзэх шалгуур, бусадтай харьцуулан харах туршилтын талбай гэж ойлгууштай санагддаг.

Хүний хөгжлийг оюун ухааны (эрдэм мэдлэг), оюун санааны (сэтгэл хөдлөл), бие бялдарын, нийгмийн гэх мэт олон зүйлээр тодорхойлдог бөгөөд скаутын хөдөлгөөн өөрийн аргуудаар дамжуулан бүгдийг тэгш бий болгодог хэмээн үздэг.

Хүүхдүүд анхан шатны нэгжийн гишүүн байснаар хамт олны дунд хөгжиж, хариуцлагатай иргэн болох боломжоор хангагддаг, тэд насанд хүрэгчдийн (скаут мастер) дэмжлэгийг авснаар аль болох бага алддаг, тэд скаутын зэрэглэлээ ахиулах зөв өрсөлдөөнд өөрийгөө сорьж дайчин, мятрашгүй бас тэмүүлэлтэй нэгэн болдог, тэд скаутын андгай өргөж скаутын зарчим, хуулийг амьдралдаа мөрдлөгө болгосноор өөрийн оюун санааны үнэт зүйлтэй, мөрдөх замналтай болдог, тэд байгаль дээрхи үйл ажиллагаануудаар дамжин эх дэлхийгээ хайрлах, түүнтэй зохицон амьдрах, ямарваа бэрхшээл тохиолдоход богино хугацаанд зөв сонголт хийх чадвартай болдог, тэд өөрийн биеэр бүх зүйлийг хийж туршиж энэ явцдаа суралцан, хөгжиж бүтээлч нэгэн болдог юм. Саяны хэдэн өгүүлбэрүүдэд скаутын хөдөлгөөний үндсэн аргууд багтсан болно.

Өнөөдөр Монголын Скаутын Холбоо гэдэг төрийн бус байгууллага дэлхийн өндөр хөгжилтэй орнууд нэгэн дуугаар хүүхдийнхээ хүмүүжил, иргэн болох явцыг даатгаад байгаа НҮБ-ийн дараа ордог хамгийн том хүүхдийн хөдөлгөөнийг Монголдоо нутагшуулж, эх орныхоо ирээдүй болсон хүүхэд бүрд хүрэхийг хичээн ажиллаж байна.

Хэрэв та бүхэн хүүхдээ скаутын хөдөлгөөний гишүүн болгож скаутын хөтөлбөрийн дагуу хөгжүүлэхийг хүсвэл сургуулийн удирдлагууд болон эцэг эхийн зөвлөлөөр нь дамжуулан Монголын Скаутын Холбоонд 11-324171, 99960606, 88024353 утсуудаар дамжин хандаарай. Бид хүсэлтийг хүлээн авч багшийг нь бэлтгэж, арга зүйн дэмжлэг өгч ажиллахдаа байнга баяртай байх болно.

Мөн энэ зун 07-р сарын 27-ноос 08-р сарын 02-ны өдрүүдэд “Найрамдал” зусланг түшиглэн зохион байгуулагдах Ази Номхон Далайн бүсийн 31-р Жемборид хамруулаарай. Дэлхийн 40 гаруй улсын 2000 скаут, Монголын 21 аймаг 9 дүүргийн 4000 скаутууд хамтдаа байх майхант зуслан, хөгжлийн талбар танай хүүхдэд таалагдана гэж найдаж байна.

Хүүхэд бүрийг сайн иргэн болгож чадвал ирээдүйн дэлхий ертөнц илүү сайхан, илүү амар амгалан болох болно.

Г.АРИУНЧУЛУУН

"Болор дуран"-аар шалгав.

9 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2017-06-18 103.26.195.166

Скаут бол жинхэн хэрэгтэй байгууллага

Зочин 2017-06-18 202.131.228.178

биднийг хүүхэд байхад байсан ПИОНЕРийн гишүүнээс ямар ч ялгаагүй зөвхөн нэрийг нь сольсон тэгээд л шинэ юм МЭТ ХАРАГДУУЛСАН Гэхдээ хэрэгтэй юү гэвэл хэрэгтэй

чамд хэлэхэд 2017-06-18 103.26.195.101

битгий ингэж өөрийнхөөрөө бурж бай пионерийн байгууллага дэлхий дээр 70 гаруйхан жил байсан скаутын байгууллага өнөөг хүртэл 110 гаөруй жил үйл ажиллагаагаа явуулж байгаа нэр сольсон биш социалист улсууд өөрийнхүүхдийн байгууллагатай байхын тулд скаутаас хуулбарласан хэлжэр нь пионер юм скаутын мэргэжлийн хэллэгт пиүнеринг гэж үг байдаг тэрийг ашигласан байдаг Скаутыг бүрэн судалж байж мэдэмхийрдээ үл мэдэгчдээ мэдэхгүй зүйлдээ дуугарах нь тэнэгийг илэрхийлдэг юм

Зочин 2017-06-18 103.26.195.166

Хүүхдүүддээ мөнгө зарцуулж тэднийг сайн иргэн болгоё гэж бодсон хүмүүсийн хувьд ёстой л оносон сонголт байдаг

zochin 2017-06-18 202.9.43.239

xuuxded estoi zuv xumuujil olgodog baiguullaga daa

Скаут хэрэггүй 2017-06-18 202.9.41.89

Христын шашины хүүхдүүдийн тархи угаалтын нэг хэлбэр Өөр юу ч биш

Чамд хэлэхэд 2017-06-18 103.26.195.101

Ердөөсөө шашинтай холбоогүй юмыг мэдэж байж мэдэмхийрч бай үл мэдэхээ

Зочин 2017-06-18 58.141.2.92

[Хориотой Үг]

Зочин 2017-06-18 103.26.193.180

boon boon Lai daa