Авто замын тэмдэг, тэмдэглэгээг шинэчилж байна | News.MN - Мэдээллийн эх сурвалж

Авто замын тэмдэг, тэмдэглэгээг шинэчилж байна

Хуучирсан мэдээ: 2017.06.17-нд нийтлэгдсэн

Авто замын тэмдэг, тэмдэглэгээг шинэчилж байна

Малайзад амиа алдсан монгол бүсгүй Ш.Алтантуяагийн хэргийн явцтай танилцахаар Монголоос ажлын хэсэг томилогдон ирэх наймдугаар сард Малайз руу явах гэнэ.

Авто замын тэмдэг, тэмгэглэгээг шинэчлэн сайжруулах сарын аян үргэлжилж байна.

Аялал жуулчлалын улирал эхэлж, олон улсын болон улсын чанартай авто замаар зорчиж буй тээврийн хэрэгслийн хөдөлгөөний эрчим нэмэгдэж байгаатай холбогдуулан Зам, тээврийн хөгжлийн яамнаас авто замын тэмдэг, тэмдэглэгээг шинэчлэн сайжруулах сарын аяныг тавдугаар сарын 15-наас эхлэн нэг сарын хугацаанд зохион байгуулж буй.

Аяны хүрээнд Олон улсын болон улсын чанартай авто зам, замын байгууламжуудын тэмдэг, тэмдэглэгээнд үзлэг шалгалт хийж, тавигдсан тэмдэгүүд стандартад нийцэж байгаа эсэхэд хяналт тавьж, ослоос урьдчилан сэргийлэх үүргээ гүйцэтгэж чадаж байгаа эсэхэд үзлэг, үнэлгээ хийх юм. Мөн засаж сайжруулах, стандартын шаардлага хангуулахаас гадна замаас шалтгаалсан ослоос урьдчилан сэргийлэх зорилгоор шаардлагатай газруудад нэмэлт тэмдэг тэмдэглэгээ, тоноглолыг суурилуулах юм байна.

Эдгээр ажлуудыг орон нутгийн зам хариуцагч компани, Замын цагдаагийн алба, Мэргэжлийн хяналтын газар зэрэг байгууллагуудтай  хамтран гүйцэтгэх аж. Тус ажил хэрэгжсэнээр “Замын хөдөлгөөний аюулгүй байдлын тухай” хуулийн хэрэгжилтийг хангуулж, хөдөлгөөний аюулгүй байдлыг сайжирч, осол аваар буурах ач холбогдолтой.

Зам, тээврийн хөгжлийн яам, “Зам, тээврийн хөгжлийн төв” ТӨҮГ, зам хариуцагч байгууллагууд, орон нутгийн Замын цагдаагийн алба, Мэргэжлийн хяналтын байгууллагын төлөөллөөс бүрдсэн Ажлын хэсэг батлагдсан удирдамжийн дагуу газар дээр нь ажиллаж,  тэмдэгт тавигдах стандарт, тэмдэгийг байршуулахад анхаарах зүйлс, одоогийн байгаа тэмдэгүүд стандартад нийцэж байгаа эсэхэд хэмжилт хийж, тэмдэгний хэмжээс, өнгө будагны стандарт, гэрэл ойлгогч туузны стандарт, тэмдэгийн үйлчлэх хүрээ, хэд хэдэн тэмдэг тавьсан тохиолдолд хэрхэн зөв байрлуулах зэрэг заавар зөвлөмжийг өгч ажиллах юм.Ажлын хэсгээс өгөгдсөн заавар чиглэлийн дагуу зам хариуцагч байгууллагууд засвар арчлалтын ажлаас гадна тэмдэг, тэмдэглэгээний ажилд онцгой анхаарч, шаардлагатай газруудад анхааруулах, мэдээлэх тэмдэг тавьж, дохионы төмөр бетон шонг суурилуулах, засварлах, будах, гэрэл ойлгогч наалтыг шинэчлэх, замын хэвтээ тэмдэглэгээ хийх, стандартын бус хурд сааруулагчыг зайлуулах, шаардлагатай газруудад шинээр тавих, ган туузан хашлага байрлуулах, гэрэл ойлгогч наах, гүүрүүдийн босоо тэмдэглэгээг сайжруулах, хашлага хайсыг засварлах зэрэг хөдөлгөөний аюулгүй байдлыг хангахад чиглэгдсэн ажлуудыг “Замын тэмдэг” MNS4597:201, “Авто замын тэмдэг, тэмдэглэл, гэрлэн дохио, хашилт, чиглүүлэх хэрэгслийг хэрэглэх дүрэм” MNS4596:2014 дүрэм стандартын дагуу хийж гүйцэтгэх юм байна.

Ш.ЧИМЭГ

"Болор дуран"-аар шалгав.

2 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2017-06-17 66.181.184.89

авто замын хөдөлгөөний хуулиа эхнээс нь сайн уншаад үз дээ нэг нэгтэгээ көрчилдсөн зүйлүүп эурамууд их баыйанаааа

Зочин 2017-06-17 182.160.37.68

Угаасаа буруу хийгдсэн замд тэмдэг тэмдэглээ нэмэргүй Ямар юмны олон улсын байхав дээ