“Boston Scientific Corp” –ын “Guidant LLC” компани холбооны хуулийг хоёр маш ноцтой зүйлээр зөрчсөн гэдгээ даваа гаригт хүлээн зөвшөөрсөн. Холбооны шүүгч Donovan Frank тус компанийн хэргийг шүүгээд 296 сая ам.долларын торгууль ноогдуулсан.

“Guidant LLC” компани дээрх шийдэрийг гурван долоо хоногийн дотор давж заалдаж болно. Даваа гаригийн шүүх хурлын үеэр тус компанийн дэд ерөнхийлөгч Larry Knopf компанийн буруутай үйлдлийг хүлээн зөвшөөрсөн.  Тус компани Холбооны эмчилгээний захиргаанд аппаратын тухай тайлан болон төхөөрөмжийн загвар өгөхдөө өөрчилсөн загвар, тайлан өгсөн бөгөөд тухайн төхөөрөмжүүдээс учирч болох эрсдлийн талаар сануулаагүй байна. Гэсэн ч тус төхөөрөмжөөс болж нас барсан хүн байхгүй гэж тус компани үзэж байна.
“Guidant LLC” компанийн алдаатай загвараар үйлдвэрлэсэн “Ventak Prizm 2”, “Contak Renewal 1 ба 2” загваруудын 20,146 ширхэг төхөөрөмжийг лацдан хэрэглэхийг хориглоод байгаа юм. Дээрх төхөөрөмжүүд нь зүрхний хэвийн бус цохилтийг хянаж, зүрхний ритм алдагдсан үед шок өгөн хэвийн болгох эмчилгээ хийдэг.
Тус компанийн төлөх 296 сая ам.долларын 42 саяыг нь хохирол нөхөн төлөх санд авах бөгөөд тус төхөөрөмжөөс болж хохирсон гэж үзэж буй иргэд АНУ-ын Хууль зүйн департаментад өргөдөл гарган сангийн мөнгөнөөс хувь авч болох юм байна.

Т.Бадрах