Уулчин Г.Өсөхбаяр К2-ыг зорилоо | News.MN - Мэдээллийн эх сурвалж

Уулчин Г.Өсөхбаяр К2-ыг зорилоо

Хуучирсан мэдээ: 2017.06.16-нд нийтлэгдсэн

Г.Өсөхбаяр (Уулчин)

Уулчин Г.Өсөхбаяр К2-ыг зорилоо

Тэр мэдэгдэхдээ эдгээр бичил шумбагчид америкчуудын хувьд асар том асуудал үүсгэж байна гэв.

Гавьяат тамирчин Г.Өсөхбаяр өнөөдөр өндрөөрөө Эверестийн дараа ордог ч эрсдэлээрээ дэлхийн хамгийн өндөрт тооцогддог К2 уулыг зорин хөдөлж байна.

К2 оргил /Каракарум/ нь далайн төвшнөөс дээш 8611 метрийн өндөрт оршдог.

“Алуурчин уул” гэгддэг К2-ын оргилд энэ жил нэг ч хүн гарч чадаагүй байгаа.

Дэлхийн хамгийн эрсдэлтэй, хүнд замтай энэ оргилыг гурав, дөрвөн жил дараалан зорьж очоод, гарч чадаагүй уулчид олон.

Г.Өсөхбаяр К2-ыг зорьж буй Монголын хоёр дахь уулчин болж байна. Өмнө нь 2013 оны долдугаар сард Гавьяат тамирчин Б.Гангаамаа К2-ыг зорьсон ч түүний багийнхан 7000 метрийн өндөрт хүрээд, авиралтаа зогсоосон юм. Б.Гангаамааг К2-ыг зорих үед тэдний багийнхан тухайн жилд оргил руу дайралт хийсэн 14 дэх экспедици болж очсон ч өмнөх 13 багийн адил байгалийн давагдашгүй бэрхшээлд бууж өгөөд, буцахаас өөр арга байгаагүй гэдэг.

K2 ууланд авирах анхны оролдлогыг 1902 онд Их Британийн уулчин Алейстер Краули, Оскар Экенстейн нар хийжээ. Тэд 68 өдөр буюу хоёр сар гаруйн хугацаанд таван удаагийн дайралт хийж, 6525 метрт хүртэл очиж чаджээ. Тэр 68 хоногт зөвхөн найман өдөр нь л тэнгэр цэлмэг байсан тухай тэмдэглэгдэн үлдсэн байдаг.

К2-ын оргилд хүрсэн анхны хүмүүс бол Италийн уулчин Ачиле Компаньони, Лино Лачеделли нар юм. Тэд 1954 оны долдугаар сарын 31-нд “алуурчин” уулыг анх удаа ялжээ. Гэвч тэдний авиралтаас хойш К2 бүхэл бүтэн 23 жил оргилдоо дахин хүн хүргээгүй юм.

Олон уулчдын зориг зүрх мохмоор он жилүүдийн дараа 1977 онд Японы уулчин Ичиро Ёшизава К2-ыг эзэлсэн. “Алуурчин” оргилд хоёр дахь авиралтаа амжилттай дуусгасан анхны уулчин Чехийн Жозеф Раконкай. Түүний хоёр дахь авиралт 1986 оны долдугаар сард тохиосон юм. К2-ын оргилд хүрсэн хамгийн өндөр настай уулчин Испанийн иргэн Карлос Сория Фонтн. Тэрээр 2004 онд 65 насандаа догшин уулын оргилд мөрөө үлдээж байжээ.

Энэчлэн К2 цөөхөн уулчдыг тэргүүндээ хүргэсэн догшин, хатуу, харгис уул. Тийм ч болохоор оргилыг “алуурчин уул” хэмээн нэрлэдэг. Эверестэд гарсан уулчин мундаг. К2-ын оргилыг эзэлсэн бол бүр илүү мундаг. Уулчид ингэж зиндаагаа тодорхойлдог.

Хүнд хэцүү, амь насаараа дэнчин тавьсан авиралт хийж буй уулчин Г.Өсөхбаярт амжилт хүсье.

К2 авиралтын тухай ЯРИЛЦЛАГА-ыг эндээс уншина уу.

 

УУЛЧИН Г.ӨСӨХБАЯР – ТҮҮХЭН АВИРАЛТУУД

  1. Бялуха, өндөр 4600 м, 2004.06.20
  2. Нинчин Тангла, 2005.02.15
  3. Эверест, өндөр 8850 м, 2005.05.30
  4. Эверест, өндөр 8850 м, 2007.05.14
  5. Хойд Америкийн ноён оргил Маккенли, өндөр 6195 м, 2008.07.08
  6. Африк тивийн ноён оргил Килиманжаро, өндөр 5895 м, 2009.02.22
  7. Европ тивийн ноён оргил Эльбрус, өндөр 5642 м, 2009.05.21
  8. Хойд туйл, Хойд өргөргийн 90 градус, 2013.04.20
  9. Австрали тивийн Костюшко оргил, өндөр 2228 м, 2015.04.19
  10. Өмнөд Америкийн ноён оргил Аконкагуа, өндөр 6962 м, 2017.02.10

 

"Болор дуран"-аар шалгав.

9 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2017-06-16 59.153.87.203

amjilt husie\n

Ganba 2017-06-16 103.229.123.3

Өндрийн дасан зохицол нь сайн байж цаг агаарын боломжтой өдрүүд ивээх болтугай амжилт хүсье

Уэии 2017-06-16 202.70.46.218

Эрсдэл маш их бол хэрЭггүй шүү Өсөхөө Ард түмэн чинь хүү чамдаа маш их хайртай \n\n\n\n

Уэии 2017-06-16 202.70.46.218

Эрсдэл маш их бол хэрЭггүй шүү Өсөхөө Ард түмэн чинь хүү чамдаа маш их хайртай \n\n\n\n

Зочин 2017-06-16 150.129.140.116

Амжилт сайн сайхныг хүсэн ерөөе

Зочин 2017-06-16

Өсөхөөд амжилт хүсье Гарахыг бодоорой

Амжилт хүсье 2017-06-16 202.9.41.173

Мундаг байна Бурхан Тэнгэр ивээг

Зочин 2017-06-16 202.21.126.30

Монголын зоригт хүү Өсөхөөдөө амжилт хүсье Монгол хүн зорьсон юмандаа хүрдэг дээ Өсөхөө удаан судалж бодож бэлдсэн нь гарцаагүй Ийм туршлагатай уулчны санаанд багтсан бол биелж л таараа

Мөстөл судлаач 2017-06-16

Өсөхөө чаднаа Ид жагсчээ Цаг агаар тааламжтай цас хатуу бие хөнгөн ухаан хурц байхыг ерөөе Биеэ сайн бодоорой Их амжилтын ард Баяртай уулзая