Монголд хөрөнгө оруулахыг уриалав | News.MN - Мэдээллийн эх сурвалж

Монголд хөрөнгө оруулахыг уриалав

Хуучирсан мэдээ: 2017.06.14-нд нийтлэгдсэн

Монголд хөрөнгө оруулахыг уриалав

Нийтийн тээврийнхэн энэ сарын 11,12-ны өдрүүдэд баярын тусгай хуваарийн дагуу буюу 08.00-22.30 цаг хүртэл, энэ сарын 13-нд хот дотор жирийн амралтын өдрийн хуваариар ажиллана.

Гадаад харилцааны сайд Ц.Мөнх-Оргил Америкийн худалдааны танхимаас 2017 оны 6 дугаар сарын 12-13-ны өдрүүдэд зохион байгуулагдсан Монгол-Америкийн IV бизнес уулзалт, хөрөнгө оруулагчдын дугуй ширээний уулзалтад тус тус оролцов.

Сайд Ц.Мөнх-Оргил уг арга хэмжээнд оролцсон Монгол, Америкийн 50 гаруй хөрөнгө оруулагч, аж ахуйн нэгжийн удирдлага, төлөөлөгчдөд Монгол Улсын эдийн засгийн өнөөгийн байдлыг танилцуулж, хямралыг даван туулах, хөрөнгө оруулалт, худалдааг дэмжих, хамгаалах, эрх зүйн орчинг тогтвортой байлгах, хөрөнгө оруулагчдын итгэлийг сэргээх болон эдийн засаг, худалдааны чиглэлээр авч хэрэгжүүлж буй Монгол Улсын Засгийн газрын бодлого, АНУ болон бусад улстай хийгдэж буй хоёр талт яриа, хэлэлцээ, хэрэгжүүлж буй арга хэмжээний талаар мэдээлэл өгч, тэдгээрээс гарч эхэлсэн зарим бодит үр дүнг танилцууллаа. Түүнчлэн хөрөнгө оруулагч аж ахуй нэгж, бизнес эрхлэгчдэд тулгарч буй бэрхшээл, хүндрэлтэй асуудлын тухай чих тавин сонсч, сонирхсон асуултанд хариулж цаашид улам сайн хамтран ажиллах шаардлагатай байгааг хэллээ.

Мөн үеэр сайд Ц.Мөнх-Оргил Дэлхийн банкны Худалдаа, өрсөлдөх чадварын асуудал эрхэлсэн Тэргүүн дэд дарга хатагтай А. Гонзалестай уулзаж гадаадын шууд хөрөнгө оруулалтыг нэмэгдүүлэх, эдийн засгийг төрөлжүүлэх болон Монгол Улс бусад улстай байгуулахаар ажиллаж буй хоёр талт худалдааны гэрээ, хэлэлцээрт Дэлхийн Банкны туршлагыг нэвтрүүлэх, зөвлөгөө авч хамтран ажиллах боломж зэрэг асуудлаар ярилцав.

Эх сурвалж: ГХЯ

"Болор дуран"-аар шалгав.

3 сэтгэгдэл

News.mn сайтад сэтгэгдэл оруулахад анхаарах зүйлс

Иргэн 2017-06-14

АНУ-ын Мянганы сорилтын сангийн мэргэжилтэй ажилтан бэлтгэх салбар хэрэгжүүлсэн төсөл маш үр дүнтэй болсон Уг төслийг Монголд үргэлжлүүлэн хэрэгжүүлэх асуудлыг хөндөөсэй

МАХан толгойтон 2017-06-14 59.153.114.231

Гаднаас хөрөнгө хайж доншуучлах биш нэгэнт ороод ирсэн зээл дотоодын хөрөнгө оруулагчдын бараа бүтээгдэхүүнийг бодлогоор дэмжин чулуу болгох л хэрэгтэй байгаа юм даа Монголын төлөө ажиллахгүй байна даа Бие биедээ атаархах улс төрийн намаар ангилан ялгах биш үйлдвэрлэгч бүтээгчдээ төрийн бодлогоор дэмжээсэй билээ МАХаН толгойтой шийдвэр гаргагчдаа М Энхболдыг сонгоосны дараа ТАТВАР нэмэхээ мартав аа

зочин 2017-06-14 66.181.160.21

Цаадуул нь шинэ цагын куммунистуудад итгэх болов уу