Монголын хөлбөмбөгийн холбооны Техникийн хэлтсийн ахлах мэргэжилтэн С.Жаргал өнөөдөр ДАШТ-ий урьдчилсан шатанд учраа таарсан Сир болон БНХАУ-ын шигшээ багуудын тоглолтыг удирдан зохион байгуулна.

С.Жаргал нь тивийн болон дэлхийн аварга шалгаруулах тэмцээний тоглолтуудыг биечлэн удирдан явуулсан Монголын анхны тоглолт зохион байгуулагч /match commissioner/ болж байгаа юм.

Тоглолт ерөнхий зохион байгуулагч гэдэг нь тухайн тэмцээний ямарваа нэг тоглолтыг тавигдах шаардлагын дагуу аюулгүй, цэвэр шударга, дүрмийн дагуу явагдахыг хянан, чиглүүлэгчийн үүргийг гүйцэтгэдэг мэргэжил. Тэрбээр талбайн гаднах шүүгч гэж болох тоглолт зохион байгуулагчийн ажлыг тав дахь жилдээ хийж, ОУХБХ, АХБХ-ны нэгдүгээр зэрэглэлтэй зохион байгуулагч болж чадсан.

Дан ганц С.Жаргал бус МХБХ-ны шүүгчид, гадаад харилцаа болон техникийн хэлтсийн мэргэжилтнүүд, клуб, шигшээ багийн тоглогчид тив дэлхийд гарч өөр өөрсдийн түүхээ бүтээгээд байгаа. С.Жаргалын хувьд 2018 онд ОХУ-д болох хөлбөмбөгийн ДАШТ-ий урьдчилсан шатны Малайз – Паластин, Вьетнам – Ирак, Афканистан – Сингапур, Умард Солонгос – Катар гэсэн тоглолтуудад нэр төртэйгөөр зохион байгуулсан бол өнөөдөр 21:45 цагаас урьдчилсан шатны ээлжит тоглолтоо удирдан явуулна. Одоогоор МХБХ-ны Тэмцээн зохион байгуулах комиссын даргын албыг хашиж буй С.Жаргалын тухай товч танилцуулахад, хөлбөмбөг ихээхэн хөгжсөн Польш, Ирланд гэх зэрэг Европын улсуудад 2000 оны эхээр амьдарч, ажиллаж байхдаа энэ спорттой амьдралаа холбосон. Нэгэнт хөлбөмбөгийн өндөр боловсрол эзэмшсэн мэргэжилтэн маань 2012 оноос эхлэн өөрийн эх орны хөлбөмбөгийн төлөө хоёргүй сэтгэлээр хүчин зүтгэж, Монгол улсыг төлөөлөн тив дэлхийн чанартай олон тэмцээн уралдааныг зохион байгуулсан байдаг.

С.Жаргалын сүүлийн таван жилд зохион байгуулсан зарим олон улсын тэмцээн болон тоглолтууд: 1. Үндэсний шигшээ багуудын оролцдог тэмцээн. 2018 оны ДАШТ-ий тоглолтууд – Малайз – Паластин – Вьетнам – Ирак – Афганитсан – Сингапур – Умард Солонгос – Катар – Сир – Хятад 2019 оны Азийн АШТ-ий тоглолт: – Малдив – Еймен – Еймен – Тажикистан “Азийн наадам 2014” он Өмнөд Солонгос, Инчеон хот “Зүүн Азийн наадам” Танжьяан 2013 он “Зүүн өмнөд Азийн наадам” Мьяанмар 2013 он Азийн 23 хүртэлх насны АШТ Азийн 16 хүртэлх насны АШТ Азийн 16 хүртэлх насны охидын АШТ Азийн 14 хүртэлх насны АШТ

Эх сурвалж: МХБХ