Латвий теннисчин бүсгүй  Елена Остапенко “Ролан Гаррос-2017” гэх “Их дуулга” цувралын шигшээ тоглолтод Румыны тамирчин Симона Халепыг 4:6, 6:4, 6:3 харьцаатайгаар хожин тэмцээний аварга боллоо. Бямба гарагт болсон тэдний тоглолт 1 цаг 59 минут үргэлжлэв.

Хорин настай Остапенко “Ролан Гаррос” тэмцээнд ялсан анхны латви эмэгтэй болов. Тамирчин бүсгүй энэ оны  “Их дуулга” цувралд анх удаагаа оролцож, аварга болжээ.

“Их дуулга” цувралын дөрвөн гол тоглолтын нэг болох “Ролан Гаррос-2017” Парис хотноо тавдугаар сарын 22-ноос зургадугаар 11 хүртэл болсон юм. Уг тэмцээний эрэгтэйчүүдийн аваргын төлөө Испанийн Рафаэль Надаль Швейцарийн Станислас Вавринка хоёр 11-ний өдөр тоглон  6:2, 6:3, 6:1 харьцаатайгаар Надаль арав дахь удаагаа энэ тэмцээний аварга болжээ.

Бэлтгэсэн Ш.МЯГМАР