Улсын бүртгэлд зориуд худал мэдээлэл оруулсан бол гэмт хэрэгт тооцно | News.MN - Мэдээллийн эх сурвалж

Улсын бүртгэлд зориуд худал мэдээлэл оруулсан бол гэмт хэрэгт тооцно

Хуучирсан мэдээ: 2017.06.12-нд нийтлэгдсэн

Улсын бүртгэлд зориуд худал мэдээлэл оруулсан бол гэмт хэрэгт тооцно

Batman Dark Knight Rises кино долдугаар сарын 20-нд албан ёсоор театрт нээлтээ хийх гэж байна.

Эрүүгийн хуульд нэмэлт өөрчлөлт оруулах тухай хуулийн төсөл болон Зөрчлийн тухай хуулийн шинэчилсэн найруулгын төслийг Монгол Улсын Их хурлаас 2017 оны 5 дугаар сард тус тус баталж, энэ оны 07 дугаар сарын 1-ээс эхлэн мөрдөхөөр болсон. Эрүүгийн шинэ хуулиар нийтийн албан тушаалтан, албан хаагч өөртөө, бусдад давуу байдал бий болгох зорилгоор улсын бүртгэлд зориуд худал мэдээлэл оруулсан, мэдээллийг устгасан, өөрчилсөн, худал мэдээлэл бүхий баримт бичиг үйлдэж бусдад олгосон бол гэмт хэрэгт тооцохоор хуульчилсан байна.

Тодруулбал, дээрх зөрчлийг гаргасан тохиолдолд нийтийн албанд томилогдох, эсвэл сонгогдох эрхийг хоёр жил хүртэл хугацаагаар хасаж, дөрвөн зуун тавин нэгжээс арван дөрвөн мянган нэгжтэй тэнцэх хэмжээний төгрөгөөр торгох, эсвэл нэг сараас гурван жил хүртэл хугацаагаар зорчих эрхийг хязгаарлах, эсвэл нэг сараас гурван жил хүртэл хугацаагаар хорих ял шийтгэхээр заажээ.

Эх сурвалж: ОӨУБЕГ

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс