Чуулган завсарлуулах захирамж хүлээж байна | News.MN - Мэдээллийн эх сурвалж

Чуулган завсарлуулах захирамж хүлээж байна

Хуучирсан мэдээ: 2017.06.12-нд нийтлэгдсэн

Чуулган завсарлуулах захирамж хүлээж байна

Өнөөдөр 12.00 цагаас АН Төрийн ордны Б танхимд хэвлэлийн бага хурал зарлалаа.

УИХ-ын хаврын чуулганыг өнгөрсөн долоо хоногийн баасан гариг буюу зургадугаар сарын 9-нд түр завсарлуулах чиглэлийг УИХ барьж байсан ч хойшлуулсан.

УИХ-ын гишүүдийн хувьд өнөөдөртөө багтаж хаврын чуулганыг түр завсарлуулах захирамж гарах болов уу гэсэн хүлээлттэй байна.

УИХ-ын даргын зөвлөл өнгөрсөн долоо хоногийн баасан гаригт хуралдаад, ажлын хуваариа гаргасан. Түүгээр бол өнөөдөр УИХ дахь намын бүлгүүд, ажлын хэсэг, мөн УИХ-ын Өргөдлийн байнгын хорооноос хэлэлцүүлэг зохион байгуулахаар, маргааш ажлын хэсэг хуралдана. Гэвч одоогоор УИХ дахь намын бүлгүүдээс аль нь ч хуралдаанаа эхлээгүй байна.

УИХ-ын дэд дарга Ц.Нямдорж өнгөрсөн баасан гаригт чуулганы нэгдсэн хуралдааныг удирдах үеэрээ “Хаврын чуулганыг зургадугаар сарын 14-өөс эхлэн 14 хоногийн хугацаатай түр хугацаагаар завсарлуулах чиглэл барьж байна” гэдгийг тодотгосон.

Тиймээс ирэх лхагва гаригт хаврын чуулганыг түр завсарлуулах болж буй юм.

УИХ-ын даргын захирамж гарсан нөхцөлд чуулган зарлан хуралдуулахгүйгээр шууд хаврын чуулганыг түр завсарлуулах боломж нээлттэй юм байна.

Г.ДАРЬ

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс