Сүхбатар аймгийн Асгат сумын хүүхдийн цэцэрлэгийн нам даралтын  халаалтын яндан шинэ оны өмнөхөн буудсаны улмаас тус сумын цэцэрлэг үйл ажиллагаагаа явуулж чадахгүйд хүрчээ. Цэцэрлэгийн байшингийн хана цөмөрч, бусад эвдрэл үүссэний улмаас мэргэжлийн баг дээрх шийдвэрийг гаргасан аж.

Харин сумын цэцэрлэг саяханаас гэр барьж, үйл ажиллагаагаа явуулж эхэллээ. Ахлах ангийн хүүхдүүдээ гэрт байрлуулж, хичээллэж байгаа бол сургуулийн дотуур байрны нэг өрөөнд бага бүлгийг, нөгөө өрөөнд нь гал тогоогоо байрлуулжээ. Энэ өвөл цас ихтэй, жиндүү байгаа тул байр сууцны хувьд хүйтэн байгаа талаар багш ажилчид нь хэлж байна.