БНХАУ-ын Ерөнхийлөгч Ху Жинтао Вашингтонд төрийн айлчлал хийх үеэрээ хэлэхдээ “ам.доллар ноёрхсон олон улсын валютын систем үеээ өнгөрөөсөн. Харин Хятад улсын мөнгөн дэвсгэрт юань ам.долларын байр суурийг эзлэхээр бэлтгэл хангаж байгаа ч, үүнд цаг хугацаа нэлээдгүй шаардлагатай байна” гэжээ.
Ноён Ху Вашингтон Пост болон “Wall Street” сэтгүүлүүдэд өгсөн ярилцлагандаа “АНУ-ын Холбооны нөөцийн банк эдийн засагт 600 тэрбум ам.доллар оруулах тухай шийдвэрийг буруутгаж, шүүмжилсэн ба АНУ-ын мөнгөний бодлого дэлхийн валютын хөрвөх чадвар, капиталын урсгалд чухал нөлөө үзүүлж, ам.долларыг тогтвортой хэмжээнд барих үүрэгтэй” хэмээн хэлжээ. Харин Хятад улс инфляцитай тэмцэхийн тулд юанийн ханшийг чангаруулж байна гэсэн таамаглалыг ноён Ху эрс няцаасан байна.

Б. Энхцэцэг