Үймээн самуун өрнөж, иргэдийн аюулгүй байдал ноцтой болсон тул Орос 235 иргэнээ  онгоцоор яаралтай нутаг руу нь буцаалаа гэж  оросын консул Александр Мамин Итар-Тасс агентлагт мэдээлсэн байна. Эдгээр иргэдийн 60 гаруй хувь нь ердийн жуулчин болон Тунис улсад байнга ажиллаж байсан оросын иргэд юм байна.
Консулын ярьснаар дахиад 100-110 орчим оросын иргэд нутаг буцахаар бэлтгэж байгаа боловч Тунисийн ерөнхийлөгч Бен Али гадаад орон руу зугтаж, улс орны байдал харьцангуй тогтворжиж эхэлсэн тул түр хүлээхээр шийдвэрлэсэн аж.
Оросын томоохон жуулчны байгууллагуудад хандан ойрын хугацаанд жуулчин шинээр Тунис руу илгээхгүй байхыг хүссэн байна.
Оросын албан ёсны тоо баримтаар Тунис улсад 1500-1700 орчим оросын иргэд байнга оршин сууж, жилд 180000 орчим жуулчид ирдэг ажээ.

Эх сурвалж: EFE
Бэлтгэсэн Д.Пунцаг