Жүдо бөхийн ОУХМ С.Ням-Очир дөнгөж сая хүрэл медалийн төлөөх барилдаанд ялагдлаа. Эрэгтэйчүүдийн 73 кг-ын жинд дэлхийд чансаагаараа 12-р байрт эрэмбэлэгдээд буй тэрбээр хүрэл медалийн төлөө ОХУ-ын жүдоч Мансур Исаевтай хүч үзэж, барилдаан эхлээд 25 дахь секундэд цэвэр ялагджээ. Эхний тойрогт хийлж, улмаар Францын бөхийг цэвэр ялсан С.Ням-Очир харамсалтай нь медалийн тавцанд гарч чадсангүй.

Түүнчлэн эрэгтэйчүүдийн 60 кг-ын жинд Ч.Болдбаатар медалийн төлөөх барилдаанд ОХУ-ын жүдоч Арсень Галстьянд юүко үнэлгээгээр ялагдсанаар энэ удаагийн "World Masters"-ыг орхилоо.