Увс аймаг дахь хилийн цэргийн 0245 дугаар ангийн Цахирын заставын орлогч, дэслэгч Ж.Лувсаншарав, харуулын дарга, дэд ахлагч Ч.Одболд нарыг буудаж амийг нь егүүтгэсэн хэрэгт яллагдагчаар татагдаж цагаадсан байлдагч Ч.Энх-Амарт талийгаачийн ар гэрийнхэн гомдолтой байгаа аж. Одоогоос зургаан  жилийн өмнө буюу 2005 онд  дээрх хэргийг үйлдсэн байлдагч Н.Алтанхуягт 25, Д.Отгонхишигт 20 жилийн ялыг  өнгөрсөн аравдугаар сард Увс аймгийн сум дундын шүүхээс оноосон юм. Харин тэдний хамсаатан болох Ч.Энх-Амарыг уг хэрэгт холбогдолгүй гэж шүүх бүрэлдэхүүн үзсэн билээ.