Үндэсний статистикийн хорооны гаргасан мэдээллээр манай улсын нийт хүн амд төрөлт буурч байгаа үзүүлэлттэй байна. Харин манай аймагт энэ үзүүлэлт эсрэгээрээ сүүлийн 5 жилд жил ирэх тусам дунджаар 300-400-н төрөлтөөр төрөлт нэмэгдэж байгаа юм. Өнгөрөгч 2010 оны хувьд манай аймагт 2350 эх амаржсан. Тэдгээр эхчүүдэд эхийн эндэгдэл гараагүй, харин хүүхдийн эндэгдэл тодорхой хувиар буурсан үзүүлэлттэй байна. Төрөлт нэмэгдэхийн хирээр эхийн эндэгдэлгүй ажиллаж байна гэдэг бол энэ салбарын хамгийн том амжилт юм.

Сүүлийн жилүүдэд эрчимтэй нэмэгдсэн төрөлт 2010 онд өмнөх үеийнхтэйгээ харьцуулахад 90 төрөлтөөр буурсан гэж байна. Одоогийн байдлаар амаржих тасагт 4 эмч, нярайн 2 эмч, 18 эх баригч ажиллаж байгаа бөгөөд зарим тохиолдолд ачаалал ч нэмэгддэг гэнэ. Төрөлт нэмэгдэхийн хирээр эндэгдэл гарахгүй байна гэдэг маань төрөх үеийн хүндрэлүүдийг амжилттай зогсоож чадаж байгаа гэсэн үг. Сард дунджаар 30 гаруй төрөхийн хүндрэл гардаг байна. Ийнхүү манай аймаг сүүлийн 2 жилд эхийн эндэгдэлгүй ажиллаж, хүүхдийн эндэгдлийг бууруулжээ