Олон улсын олимпийн хороо, олимпийн сувгаас олимпийн наадмын үеэр бэртэл авсан ч медалийн тавцанд зогсож чадсан тамирчдын шилдэг амжилтуудыг онцолжээ.

Ингэхдээ өвөл болон зуны олимпийн наадмын төрлүүдээс шилдэг таван амжилтыг нэрлэсэн ба Хөдөлмөрийн баатар, Гавьяат тамирчин Н.Түвшинбаярын ялалт түүнд багтжээ.

“Лондон 2012” зуны олимпийн наадмын жүдо бөхийн эрэгтэйчүүдийн 100 кг-ын жингийн хагас шигшээд Н.Түвшинбаяр БНСУ-ын Хва Хи Тэтэй барилдах үедээ бэртэл авсан ч ялалт байгуулж чадсан. Тэрбээр аваргын төлөөх барилдаанд ОХУ-ын Т.Хабулаевтай барилдан ялагдсан ч олимпийн хос медальтай Монголын анхны тамирчин болсон юм.