БНХАУ-ын иргэн Өргөнталд 25 жилийн хорих ял оноолоо | News.MN - Мэдээллийн эх сурвалж

БНХАУ-ын иргэн Өргөнталд 25 жилийн хорих ял оноолоо

Хуучирсан мэдээ: 2017.05.08-нд нийтлэгдсэн

БНХАУ-ын иргэн Өргөнталд 25 жилийн хорих ял оноолоо

Баянзүрх дүүргийн цагдаагийн хэлтэст нэгэн залуу “Манай эхнэр гурван хоног алга болоод орж ирэхдээ мансууруулах бодис хэрэглэсэн байдалтай байна” гэх дуудлагыг ирүүлсэн байна.

Эхнэрээ зээ дүүтэй нь хамт 2016 оны арванхоёрдугаар сарын 31-ний шөнө хөнөөсөн хэрэгт буруутгагдсан БНХАУ-ын ӨМӨЗО-ны иргэн Өргөнталыг шүүх хурал Сонгинохайрхан дүүргийн Эрүүгийн хэргийн анхан шатны шүүхэд өнөөдөр 09.00 цагт эхэлсэн.

Түүнд прокурорын байгууллагаас Эрүүгийн хуулийн Тусгай ангийн 91.2.2.танхайн сэдэлтээр, 91.2.6.өөр гэмт хэргийг нуун далдлах буюу хялбарчлах зорилгоор, 91.2.12.онц харгис хэрцгий аргаар, 91.2.15.хохирогчийг биеэ хамгаалж чадахгүй байгааг мэдсээр байж, 91.2.16. хоёр буюу түүнээс олон хүнийг санаатай алсан хэрэгт буруутгаж, яллах дүгнэлт үйлджээ.

Харин Сонгинохайрхан дүүргийн Эрүүгийн хэргийн анхан шатны шүүх хэлэлцээд, түүнд 25 жилийн хорих ял оногдуулж 5 жилийг нь гянданд, 20 жилийг нь чанга дэглэмтэй хорих ангид эдлүүлэхээр, шүүгдэгчээс 8,7 сая төгрөг гаргуулж хохирогчийн хууль ёсны төлөөлөгчид олгуулахаар шийдвэрлэв.

Л.ХАЛИУ

 

"Болор дуран"-аар шалгав.

1 Сэтгэгдэл

News.mn сайтад сэтгэгдэл оруулахад анхаарах зүйлс

иргэн 2017-05-08 103.57.93.160

Ганцхан хүний тэнэглэлээс болж энэ яргачин амь өршөөгдөж хөөрхий монгол эхийн амины хохь боллоодоо харамсалтай байна