Кэмбриджийн Их Сургуулийн эрдэмтэд 1949 онд анх удаа туршиж, улмаар хэрэглээнд нэвтрүүл байсан овор ихтэй Эдсак буюу орчин үеийн компьютерийн анхны загварыг Их Британийн Блэтчли Паркад удахгүй дахин бүтээх гэж байна. Уг компьютерийн дууриамал загварыг бүтээх ажлыг Их Британийн Компьютер, техникийг хамгаалах нийгэмлэг удирдан явуулж, гурван жилийн дотор бэлэн болгох юм.

Уг тооцоолон бодох машиныг бүтээхийн тулд эхний ээлжинд Эдсактай холбоотой архивыг бүрэн судалж, судлаачдаас машины гадаад болон дотоод бүтэц, зохион байгуулалтын талаар зөвлөгөө авах ажээ.

Эдсак бол Кэмбриджийн Их Сургуулийн судлаач эрдэмтэн Маурис Вилкэсийн бүтээл бөгөөд Британи улсын хэрэглээнд нэвтрүүлсэн компьютерийн анхдагч загваруудын нэг билээ. Эдсакийг ашиглаж байсан есөн жилийн хугацаанд уг тооцоолон бодох машины тусламжтай Кэбмриджийн хоёр судлаач Нобелийн шагнал хүртэж байсан байна.