Хүний хөгжил сангийн хууль хэрэгжиж эхлээд хоёр жил болж байна. Эх орны хишгээс иргэн бүр хувь хүртэх энэ жилийн мөнгөн тэтгэмж болох сар бүр олгох 21 мянган төгрөгийг сар шинийн өмнө олгох бөгөөд мөнгийг авахад ямар нэгэн хүндрэл үүсэхгүй гэдгийг аймгийн Хөдөлмөр халамж үйлчилгээний хэлтсийн дарга хэлж байна.

Эх орны хишиг болох нэг сая 500 мянган төгрөгийн 500 мянгыг нь бэлнээр, үлдсэнийг нь бэлэн бусаар иргэдэд олгохоор болсон. Энэ сараас эхлэн сар бүр олгох 21 мянган төгрөгийг авахад ямар нэгэн асуудал үүсэхгүй гэнэ. Учир нь Иргэний шинэчилсэн бүртгэлдээ бүртгүүлсэн л бол тухайн хүний нэр банкинд автоматаар очих юм. Харин оюутнуудын сургалтын төлбөрт олгох мөнгөний хувьд  өдрийн ангид сурдаг оюутнуудад бэлэн бусаар олгох ажээ. Оюутнуудын хувьд өөрийн тухай мэдээллийг үнэн зөвөөр өгөх нь сургалтын төлбөрөө чирэгдэлгүй авах нөхцөлийг бүрдүүлнэ.