“Салхи“ хамтлагийн залуус эргэн нэгдэж, уран бүтээлийн ажилдаа ханцуй шамлан оржээ. Тэд “Grand” хамтлагийн продюсер Д.Баттөртэй хамтран ажиллаж байгаа бөгөөд саяхан  “Гоо бүсгүй” дуундаа клип хийлгэн, цацсан бол Д.Баттөрийн үг, О.Хүрэлбаатарын ая “Аврал эрсэн хайр” дуугаа хэдхэн хоногийн өмнө дүрсжүүлж дуусчээ.

“Ухаарч амжаагүй бүхний чинь төлөө”, “Үггүй бороо” гэх гоё дуунуудаараа үе тэнгийнхээ залуусын хайрыг татдаг байсан “Салхи”-ийн залуус ийн “салхилж”, бүр шуурч эхлэх бололтой. Учир нь тэд тун удахгүй шинэ уран бүтээлүүдээс нь бүрдсэн цомог худалдаанд гаргах гэнэ лээ. Уран бүтээлийн бөөн бөөн төлөвлөгөө… Салхи “шуурах”-ыг хүлээж байна шүү.

Г.Даша