Хорт хавдраасаа салсан Майкл Дуглас серфээр давалгаан дээр гулгаж, “Алтан бөмбөрцөг” шагналын ёслолд орохоор бэлтгэж байна

Хагас жилийн өмнө улаан хоолойн хорт хавдар илэрсэн жүжигчин Майкл Дуглас өвчнөө ялж чадлаа хэмээн мэдэгджээ. Түүний хэлснээр эмчилгээний явцад хавдар сорогдон хатаж одоо бие нь сайжирч байгаа гэнэ.

Энэ мягмар гаригийн орой NBC теле сувгаар гарсан  Today хөтөлбөрт ярилцлага өгөхдөө хорт хавдрыг дийлэн гарснаа Майкл Дуглас мэдэгдсэн байв. Түүний ярилцлагаас The Hollywood Reporter  хэсэгчлэн нийтэлсэн байлаа.

“Хавдар алга болсон”

Холливудын 66 настай жүжи­гчин ярихдаа: Эмчилгээ үр дүнгээ өгч одоо түүний биеийн байдал сайжирч эхэлсэн гэжээ. “Миний биеийн бай­дал сайн байгаа. Айд­гүйгээ авдрандаа хийсэн. Хавдар алга боллоо” гэж тэр хэлэв. Гэхдээ бүрэн баярлах болоогүй, ойрын хэдэн сарын дотор тэрээр тогтмол эмнэлгийн хяналтад байна. “Хоёр­хон сарын” дараа өвчин эдгэрсэн гэж хэлж болох байлгүй хэмээн Дуглас өгүүлжээ.
Одоо тэрээр химийн эмчилгээ­ний үр дагавраас салах нөхөн сэр­гээх эмчилгээтэй байна. Жүжигч­ний хэлснээр ам нь хатаад байгаа нь хэцүү гэнэ. Ам хатаад нойр хул­жааж байна гэлээ. Гэсэн ч тэрээр өвч­тэй үедээ алдсан жингээ буцаан авч эхэлсэн аж. “Гахай мэт л идэж байна” гэж тэр тоглон хэлээд “өвч­ний­хөө үеэр би 32 фунт (14,5 кг) жин­гээ алдсан. Одоо  таван кг ор­чим жингээ нэмээд байна. 20-25 фунт л үлдлээ” хэмээн тэр хуучилжээ.
Ер нь сүүлийн хагас жил ширүүн тэмцэлдээнтэй байлаа гэж тэр хүлээн зөвшөөрөв. “Эдгээр сарууд нэлээд хүнд үе байсан. Амьд­ралынхаа зарим харьцааг эргэн харахад хүрлээ. Гэхдээ ирээдүйдээ өөдрөг хандаж байгаа. Надад сайн ген байгаа нь миний аз. Миний эх 88 настай, эцэг 97 хүрсэн. Гэвч би үүнийг гурав дахь үзэгдэл гэдгийг сайн ойлгож байна. Цагийг хэрхэн зарцуулахаа арай илүү бодох ёстой боллоо” гэж тэр хэлэв.

Ажилдаа эргэн орох төлөвлөгөө

Одоо Марк Дуглас дассан амьд­рал­даа эргэн орж байна. Зул сарын баярыг тэрээр эхнэр Кэтрин Зета-Джонс ба хүүхдүүдийн хамт Хавайн аралд өнгөрөөв. Тэрээр сер­фингээр давалгаан дээгүүр гулгаж байлаа.

Жүжигчин ажилдаа эргэн орох гээд бэлтгэж байгаа гэнэ. Стивен Содербергийн хийж байгаа ДОХ-оор 1987 онд нас барсан төгөлдөр хуурч ба шоумен Либерачегийн тухай кинонд тоглохоор Дуглас, тө­лөв­лөсөн гэнэ. Энэ зун зураг авалт нь эхлэнэ.
Үүний зэрэгцээ энэ сарын 16-нд Беверли-Хиллзид болох “Алтан бөмбөрцөг” кино шагнал гардуулах ёслолд тэр оролцоно. Оскарын дараах гэдэг энэ шагналд  Оливер Стоуны «Уолл-стрит: мөн­­гө унтаагүй» киноны туслах дүрийг бүтээснийхээ төлөө Дуглас нэр дэвшээд байгаа юм. Стоуны 1987 оны киноны шинэ хувилбар нь энэ болж байгаа. Зальтан санхүүчийн дүрийг тэр кинонд Дуглас бүтээгээд “шилдэг эрэгтэй дүр” номинациар Оскарын шагнал авч байжээ.

Оливер Стоун алджээ

Майкл Дугласт улаан хоолойн хавдар гэсэн оношыг 2010 оны наймдугаар сард тавьсан байна. Хожим тэр нь дөрөвдүгээр үедээ орсон хорт хавдар болж таарав. Эмч нар түүнд найман долоо хоногийн химийн эмчилгээг хийхээр бол­сон байлаа. Аравдугаар сард “Майк­лын биеийн байдал зовоож байна. Тэрээр Либерчегийн дүрд тоглож чадахгүй нь” хэмээн Оливер Стоун ярьж байлаа.
Жүжигчин уг киноны ухуулгын аянд биеийн байдлын улмаас явж чадсангүй. Гэхдээ жүжигчний бие төлөөлөгч Аллен Барри тэр цагт Дугласын биеийн байдал сайн гэж байлаа. Арваннэгдүгээр сарын сүүлчээр Майкл Дуглас өөрөө биеийн байдал сайн болж байна, «Либераче» киноны гол дүрд тоглоход бэлэн” гэж мэдэгджээ.

Ш.Мягмар