NBA-ын “Сакраменто Кингс” баг ордныхоо нэрийг өөрчлөхөөр болжээ. Багийн удирдлага “Пауэр Баланс” компанитай олон жилийн маркетингийн гэрээ байгуулсан учир гуравдугаар 1-нээс одоогийн “Арко Арена” гэсэн нэр нь “Пауэр Баланс Павилион” нэртэй болох аж. “Пауэр Баланс” нь бугуйн зүүлтний үйлдвэрлэлээр сүүлийн үед нэлээд амжилт олоод байгаа бөгөөд тус компанийн бугуйн зүүлтийг алдарт Шакил О’Нил, Дэвид Бэкхэм гэсэн алдартнууд зүүдэг билээ. Тиймээс ч шүтдэг оддынхоо хэрэглээг дуурайх олон сая хүмүүс энэ бүтээгдэхүүний үнэнч хэрэглэгчид болоод байгаа. Харин тус байгууллагаас өөрсдийнх нь бүтээгдэхүүн шинжлэх ухаанаар хүний биеийн хүч, уян хатан чанар, тогтвортой байдалд тус болдог нь албан ёсоор нотлогдоогүй гэдгийг зарлаад байгаа юм. Гэсэн ч хэрэглэгчдийн тоо өдөр ирэх бүр нэмэгдсээр л байгаа аж.

Тус компани 2007 оноос хүний биеийн энергид тустай голограм шигтгэсэн бугуйн зүүлт гаргаж эхэлсэн. Эхний жилийн орлого нь найман мянгад хүрч байсан ч, энэ тоо өсөн нэмэгдсээр өнгөрсөн онд 35 сая ам.долларын ашиг олсон байна.

Score Studio