Гоо сайхны бүтээгдэхүүн үйлдвэрлэгч томоохон брэндийн нэг Christian Dior шинээр худалдаанд гаргах үнэртэй усныхаа зар сурталчилгааны нүүр царайгаар жүжигин Натали Портманыг сонгосон тухайгаа зарлаж байсан. “Miss Dior Cherie” нэртэй шинэ сүрчиг нь удахгүй худалдаанд гарах ба сурталчилгааны зураг авалт нь дуусаж, өнөөдрөөс цацагдаж эхлээд байна.
“Натали бол өнөө цагийн жинхэнэ натурал гоо сайхантай цөөхөн эмэгтэйчүүдийн нэг. Түүний төрөлхийн гоо үзэсгэлэн, сэтгэл татах чадвар нь манай шинэ бүтээгдэхүүнтэй тохирч байгаа юм. Тиймээс түүнийг сонгосноо хамгийн зөв сонголт гэж манай компанийнхан үзэж байгаа” хэмээн тус брэндийн хэвлэлийн төлөөлөгч мэдээлжээ.

Натали Портман энэ жил “Хар хун” кинонд балетчин бүсгүйн дүрийг бүтээснээр нэр хүнд нь богино хугацаанд өсч, карьераа ахиулаад байгаа юм. Түүнийг энэхүү киноны дүрээрээ Оскар авна хэмээн киноны мэргэжилтнүүд таамаглаад байгаа.