Холливуудын нэрт жүжигчин Tom Criuse-ын эхнэр жүжигчин Katie Holmes зар сурталчилгааны салбарт амжилттай ажиллаж байна. Энэ зун тэрбээр стилист Jeanne Yang-тай хамтран “Holmes & Yang” нэртэй хувцасны коллекци гаргаад байсан билээ. Харин тэдний брэндийн хувцас тун амжилттай худалдаалагдаж байгаа учраас “Barneys New York” компани үргэлжлүүлэн найман сар худалдаалах сонирхолтой байгаагаа илэрхийлсэн гэрээгээ сунгасан юм. Тэд шинэ гэрээний төлбөр болгон таван сая ам.доллар өгөхөөр болсон байна. Жүжигчин бүсгүй тэдний саналыг хүлээн авсан юм.
Харин тэрбээр энэ сараас эхлэн Ann Taylor брэндийн зар сурталчилгааны нүүр царайгаар ажиллахаар сонгогджээ. Уг брэндийн энэ оны хаврын зар сурталчилгааны зураг авалт дуусаж, хэвлэлүүдээр нийтлэгдэж эхлээд байна. Уг зураг авалтад Tom Munro гэрэл зурагчнаар нь ажилласан байна.
Дашрамд сонирхуулахад, жүжигчин Katie Holmes  “The Kennedys” нэртэй кинонд АНУ-ын 35 дахь ерөнхийлөгч Kennedy-гийн эхнэр  хайрт эхнэр, загварлаг тэргүүн хатагтай Jacqueline Kennedy-гийн дүрийг бүтээж байгаа. Энэхүү киноны зураг авалт бараг дуусаж байгаа ба ба ирэх жилээс эхлэн History Channel сувгаар цацагдах юм.