Баянговь суманд газар хөдөлжээ | News.MN

Баянговь суманд газар хөдөлжээ

Хуучирсан мэдээ: 2011.01.13-нд нийтлэгдсэн

Баянговь суманд газар хөдөлжээ

Баянхонгор аймгийн Баянговь сумаас зүүн зүгт 36 км зайд  /газар зүйн байрлалаар 44°62″  100°81″/ 3.3 магнитутын газар хөдлөлтийн чичирхийлэл энэ сарын 12-ны өглөөний 07:21 цагт мэдрэгдсэн талаар Одон орон геофизикийн судалгааны төвөөс мэдээлж байна. Газар хөдлөлтийн улмаас хохирол учирсан эсэх талаар тус аймгийн Баянговь сумын Засаг дарга С.Баасанхүүгээс тодрууллаа

-Газар хөдлөлтийн чичиргээ танай сумын нутагт мэдрэгдсэн талаар Одон орон геофизикийн судалгааны төвөөс мэдээлж байна. Тухайн цаг үед орон нутгийн иргэдэд мэдрэгдсэн болов уу?

-Яг одоогоор ойролцоо нутагладаг малчдаас мэдээлэл хараахан авч чадаагүй байна. Утсаар холбогдож чадахгүй л байна. Сумын төвөөс 36 км-т гэж тооцвол Баянлиг юмуу, Богд сумын нутаг болж таарах гээд байна л даа.

-Ямарнэг мэдээлэлгүй байна гэж үү?

-Аймгийн Онцгой байдлын газраас бас асуугаад байна. Холбоо барих боломжгүй болохоор зэргэлдээх сумдын удирдлагууд руу холбоо бариад ч мэдээлэл олж чадсангүй. Газар хөдлөлтийн чичиргээ мэдрэгдсэн бол малчид одоо болтол утсаар болов мэдээлэх хугацаа болсон. Тиймээс ямар нэг чичиргээ болох хохирол учраагүй байх гэж үзэж байна.

Д.Долгор

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж