Өнөөдөр Үндсэн хуулийн өдөр тохиож байна. 19 жилийн өмнө баталсан уг суурь хуулийн талаар УИХ-ын гишүүдийн санал бодлыг сонслоо.

УИХ-ын гишүүн З.Энхболд “Үндсэн хууль нь их чухал хууль гэдгийг бид мэднэ. Гэвч баталснаас 19 жилийн дараа өнгөрсөн ч бид Үндсэн хуулиа бүрэн дүүрэн ойлгоогүй л байна. Юуны түрүүнд Үндсэн хуульд өөрчлөлт оруулна гэж дайрдаг улс олон болжээ. Гэвч үүнтэй санал нийлж болохгүй. Юуны түрүүнд сайн судлаж үзэх хэрэгтэй.

Одоог хүртэл гарч буй бүх асуултанд Үндсэн хууль л хариулт өгч чадна. Хүмүүс хийсэн юм чинь алдаа мадаг байхыг үгүйсгэхгүй. Гэвч өөрчлөхийг юуны түрүүнд биш, хэрэгжүүлэхийг анхаарах хэрэгтэй. 2000 оны өөрчлөлт бас л буруу зүйл болсон. Одоо түүнийг бүгд буруу зүйл болсныг хүлээн зөвшөөрч байна. Үндсэн хуулийн энэ өдөрт ”Үндсэн хуулиа уншицгаая” гэж уриалмаар байна.”