Завхан аймгийн Засаг даргын тамгын газар харилцан хамтын ажиллагаатай Бүгд найрамдах Солонгос Улсад өнгөрсөн онд ажлын айлчлал хийж, Солонгос улс даяар өрнөөд байгаа “Шинэ тосгоны хөдөлгөөн”-ий үйл ажиллагаатай танилцаж, туршлага судалсан.

Энэ үеэр Бүгд найрамдах Солонгос Улсын хойт Чонг Чун мужийн газар тариалангийн компанитай хамтарч цөлжилтийг сааруулах чиглэлээр өөрийн аймгийн говийн бүсийн дөрвөн га газар туршилтын журмаар тариалалт хийж үр дүнг нь тооцож байна. Энэ туршилт үр дүнтэй болох нь тогтоодвол цаашид нэлээдгүй хэмжээний талбайд тариалалт хийх төслийг Бүгд найрамдах Солонгос Улсын хөрөнгө оруулалттайгаар хийхээр төлөвлөж байгаа юм.