Толгойдоо шархадсан Итали эр сумаараа найтаав

Хуучирсан мэдээ: 2011.01.13-нд нийтлэгдсэн

Толгойдоо шархадсан Итали эр сумаараа найтаав

Итали эр Дарко Санджермано тол­гойдоо галт шарх аваад амьд үлдсэнээр барахгүй эмнэлгийн тусламж хүлээж байхдаа найтаалгаад толгойд нь орсон сумаа хамраараа гаргажээ. Хэрэг явдал Неаполь хотноо шинэ жилээр болсон ба энэ тухай одоо л мэдээ гарч ирэв.

Санджермано шинэ жилээр Туринаас Неапольд ирсэн байв. Хотоор зугаалж явахдаа тэр буудуулж сум нь чамархайгаар нь оржээ. Хэн буудсан нь тодорхойгүй, тэр тэнэсэн суманд оногдсон бололтой. Цус алдсан түүнийг эмнэлэгт авчирсны дараа эмч нар ирэх хооронд тэр найтаалгаад сумаа гаргасан байлаа. Шарх хүнд биш байсан ба чамархайн яс нь бутарч ясны хэсэг нүдэнд нь гэмтэл өгсөн байв. Тэр мэс засалд ороод төрсөн хотдоо ирсэн ба удалгүй нүдэндээ мэс засал хийлгэх гэнэ. Нэг нүд нь муу харж байгаа ч мэс заслын дараа сайжирна гэж эмч нар үзэж байна.

Ш.САМБУУ

NewsMN Гар утасны хувилбар Татах
NEWS.mn

Мэдээллийн эх сурвалж