УИХ-ын гишүүн Э.Мөнх-Очир намрын чуулганы хугацаанд байнгын болон
нэгдсэн хуралдаанд оролцоогүй ховор хүнээр тодроод байгаа.  Шинэ он
гарсаар тэр­бээр саяхнаас Төрийн ордонд үзэгдэж, тэр бүү хэл УИХ-ын
дэгийн тухай хуульд нэмэлт өөрчлөлт оруулах тухай хуулийн төслийг
са­наа­чилсан гишүүдийн тоонд багтаад
байна. Тэр­бээр өнгөрсөн хугацаанд гадаадад айлчлахаас гадна сонгуульт
ажлынхаа хүрээнд урлаг, спортын арга хэмжээнд оролцон зав зай тун
муутай явжээ.
Түүнийг эрхэм түшээ­гийнхээ ажлыг хойш тавин явах хуга­цаандаа баар
цэн­гээний газар хүмүүстэй нударга зөрүүлж, зодоон цохионы хэрэг тарьсан
гэсэн мэдээлэл түгсэн.

Энэ талаар өөрөөс нь лавлахад “Би ах нарынхаа дууг сонсох дуртай.
Улаан­баатарт миний ордог цэнгээний ганцхан газар бол “River sounds”.
Тэнд очиж дуртай дуугаа сонсож алжаалаа тайлдаг. Харин хэн нэгэнтэй
зодоон хийсэн зүйлгүй” гэлээ. Мөн “барууны орнуудад төрийн түшээдийн
үйлчлүүлж, чөлөөт цагаа өнгө­рүүлдэг газ­рууд нэр хүндтэй байдаг бол
манайд эсрэгээр байх юм” хэмээн гайхаж байгаагаа нуусангүй.

Эх сурвалж: shudarga.mn