
Төрийн тусгай хамгаалалттай, дархан цаазат газрыг зарж баяжсан сайд нарын тоонд У.Барсболд, Д.Загджав, Г.Шийлэгдамба нар ордог. Богдхан уул, Горхи-Тэрэлж, Хөвсгөл нуурт хэн гэгч этгээд хичнээн иргэнд газар эзэмших эрх олгосон, зарсан талаар УИХ-аас ажлын хэсэг гарган судалжээ. Ажлын хэсгийнхэн багагүй “но” илрүүлээд байгаа бөгөөд энэ асуудлыг УИХ дээр ярилцах бололтой. Богдхан уул, Горхи-Тэрэлжид хамгийн их газар эзэмших эрх олгосон буруутнаар Байгаль орчин, аялал жуучлалын сайд асан Г.Шийлэгдамба тодроод байгаа бөгөөд тус салбарын сайдаар ажиллах хугацаандаа Горхи-Тэрэлжид 59, Богдхан ууланд 209 хүнд газар эзэмших зөвшөөрөл олгосон нь тогтоогджээ. Төрийн тусгай хамгаалалттай дээрх газарт “Гэр хорооллын барилгажилт” ХЗХ-ны битүүмжлэгдсэн барилгатай газар ч буй гэнэ.
Ж.ГЭГЭЭ