Дэвид Бэкхэм хүсэн хүлээж байсан “Премьер лиг”-тээ эргэн ирж, Тоттэнхэмийн бүрэлдэхүүнд бэлтгэлээ базааж эхэллээ. Гэхдээ “ЛА Галакси”-тай “Спөрс”-чүүд чөлөөт цохилтын мэргэжилтнийг тоглолтод оруулах тал дээр тохиролцож чадахгүй байгаа юм. Английн шигшээгийн хуучин ахлагч маань “Спөрс-ийн тоглогчидтой “Эссекс” дэх бэлтгэлийн талбайд хамтран хөнгөн бэлтгэл хийсэн байна. “Тоттэнхэм”-ийг энэ улиралд үнэхээр сайн удирдаж байгаа Харри Рэднапп Бэкхэмийг буцах хүртэл талбайд гаргах хүсэлтэй байгаагаа илэрхийлсээр байгаа. Тэрбээр “Одоогоор юу ч албан ёсоор шийдэгдээгүй байгаа. Тиймээс юу ч болж мэднэ. Хэн мэдлээ” гэсэн байна.

Мөн тэр Бэкхэмийн талаар “Дэвид бол шилдэг тоглогч, мөн сайн залуу. Энд түүнийг бүгд хүндэлдэг. Түүнийг энд байгаад баяртай байна” гэжээ. “Тоттэнхэм”-ийн удирдлагууд алдарт тоглогчийг багт нь байгаад баяртай байгаа бөгөөд түүнийг багийн тоглогчдод “Аваргуудын лиг” болон “Премьер лиг”-т сайн тоглоход сэтгэл санааны том дэмжлэг үзүүлнэ хэмээн найдаж байгаа. Харин Холливудын багийнхан гол тоглогчоо бэртэлд алдах вий гэдгээс ихэд эмээн түүнийг “Премьер лиг”-ийн ширүүн тоглолтуудад тоглохыг нь зөвшөөрөхгүй байгаа юм. Гэхдээ “Тоттэнхэм”-ийн зүгээс санал болгоод байгаа даатгалын асуудлыг “Галакси” зөвшөөрвөл Бэкхэм “Премьер лиг”-ийн талбайд эргэн гарах болно.

Score studio.