УИХ-ын Төрийн байгуулалтын байнгын хорооны хуралдаан өнөөдөр болж, УИХ-ын дэгийн тухай хуульд нэмэлт, өөрчлөлт оруулах тухай хуулийн төслүүдийг хэлэлцээд олонхийн саналаар “Хэлэлцэх нь зүйтэй” хэмээн үзлээ.  Ингэхдээ УИХ-ын даргын захирамжаар байгуулагдсан ажлын хэсгээс өргөн мэдүүлсэн УИХ-ын дэгийн тухай хууль, УИХ-ын гишүүн С.Эрдэнэ, Ц.Сэдванчиг, Э.Мөнх-Очир, Д.Тэрбишдагва нарын өргөн мэдүүлсэн хуулийн төслийг нэгтгэн хэлэлцэхээр болсон аж.

Хуулийн төслийн үзэл баримтлалд байнгын хороодын хуралдааныг нээлттэй горимд шилжүүлэхээр тусгаад байгаа бөгөөд эл төслийг УИХ-ын чуулганы пүрэв гаригийн нэгдсэн хуралдаанд оруулахаар болж, тогтжээ.